ఫోటో స్టోరి: మాళ‌విక హాటెస్ట్ అవ‌తార్

మాళవిక మోహనన్.. దేశీ లుక్ ప్ర‌స్తుతం హాట్ టాపిక్. తాజాగా సరికొత్త లుక్ తో సోషల్ మీడియాలో సంచలనం సృష్టించింది. ఈ కొత్త అవతారంలో మోహనన్ రిఫ్రెషింగ్ లుక్ లో క‌నిపించారు. మాళ‌విక త‌దుప‌రి చిత్రంలో పౌరాణిక పాత్ర ఊర్వశి అవతారంలో క‌నిపించ‌నుంది. ఆమె పింక్ ధోతీ ప్యాంటుతో సిల్వర్ కలర్ బ్లూ బ్లౌజ్ ని ధరించింది. మాళ‌విక ముక్కెర సంథింగ్ స్పెష‌ల్ అప్పియ‌రెన్స్ ని ఎలివేట్ చేసింది. మాళవిక అలంకరణ భూమిక రంగులతో మరింత సహజంగా ఆక‌ర్ష‌ణీయంగా ఉంది.

దుల్కర్ సల్మాన్ సరసన ఆరంగేట్రం చేసిన మాళ‌విక గొప్ప‌ ప్రజాదరణ క‌లిగిన నాయిక‌గా వెలిగిపోతోంది. ఆమె ఫర్హాన్ అక్తర్ అద్భుతమైన బాలీవుడ్ లోను అరంగేట్రం చేయడానికి సిద్ధంగా ఉంది. గల్లీ బాయ్ ఫేమ్ అకా సిద్ధాంత్ చతుర్వేదితో స్క్రీన్ పంచుకోవడానికి సిద్ధంగా ఉంది.

ఇటీవ‌ల విజ‌య్ స‌ర‌స‌న మాస్ట‌ర్ చిత్రంలో న‌టించింది మాళ‌విక మోహ‌న‌న్ ప్ర‌స్తుతం ధనుష్ కథానాయకుడిగా నటిస్తున్న `మారన్` చిత్రం షూటింగ్ ని పూర్తి చేస్తోంది. కార్తీక్ నరేన్ ఈ చిత్రానికి దర్శకత్వం వహిస్తున్నారు.

తెలుగు డెబ్యూ నిలిచిపోవ‌డానికి కార‌ణం

టాలీవుడ్ లో మాళ‌విక ఆరంగేట్రం చేయ‌డానికి ప్ర‌య‌త్నించినా తొలి ప్ర‌య‌త్నం విఫ‌ల‌మైంది. దీనిపై గ‌తంలో మాట్లాడిన మాళ‌విక వివ‌ర‌ణ ఇచ్చారు. ``దేవ‌ర‌కొండ‌తో `హీరో` నా టాలీవుడ్ అరంగేట్రం అనుకున్నారు కానీ అంతర్గత సమస్యల కారణంగా ఆ ప్రాజెక్ట్ పూర్తి కాలేదు. నేను గత కొంత కాలంగా తెలుగు సినిమాలోకి అడుగుపెట్టాలని ఎదురు చూస్తున్నాను. వాస్తవానికి నాకు చాలా ఆఫర్లు వస్తున్నాయి కానీ మహమ్మారి కారణంగా వెయిటింగ్ త‌ప్ప‌డం లేదు. ఒకటిన్నర సంవత్సరాల బకాయి ప‌డి ఉన్నాం. ఇప్పుడు పరిస్థితులు మళ్లీ మారుతున్నాయి. నన్ను త్వరలో తెలుగు సినిమాలో చూస్తారు`` అని మాళవిక అన్నారు. ఈ బ్యూటీ తెలుగు చిత్రాల‌కు సంబంధించిన అధికారిక ప్ర‌క‌ట‌న‌లు వెలువ‌డేందుకు ఆస్కారం ఉంద‌ని కొద్దిరోజులుగా క‌థ‌నాలొస్తున్నాయి.