మాస్టర్ బ్యూటీ టాలీవుడ్‌ ఎంట్రీ నిజమెంత?

ఉత్తరాది ముద్దుగుమ్మ మాళవిక మోహన్ తమిళంలో వరుసగా స్టార్‌ హీరోలతో సినిమాల్లో నటిస్తూ ఫుల్ బిజీ అయ్యింది. తమిళ సూపర్‌ స్టార్ రజినీకాంత్ తో ఒక సినిమాలో నటించిన వెంటనే మరో సూపర్ స్టార్‌ విజయ్ తో మాస్టర్ సినిమాలో నటించి మెప్పించింది. ప్రస్తుతం ఆమె తమిళం తో పాటు ఒక హిందీ సినిమాలో కూడా నటిస్తోంది. ఈ సమయంలో ఈ అమ్మడు ఒక తెలుగు స్టార్‌ హీరో సినిమాలో హీరోయిన్ గా ఎంపిక అయ్యిందనే వార్తలు జోరుగా వస్తున్నాయి. ఆ వార్తలు ఎంత వరకు నిజం అని జనాలు జుట్టు పీక్కుంటున్న సమయంలో ఆమె సన్నిహితుల నుండి అధికారికంగా క్లారిటీ వచ్చింది.

మాస్టర్ బ్యూటీ మాళవిక మోహన్ తెలుగు లో నటిస్తున్నట్లుగా వస్తున్న వార్తల్లో నిజం లేదు. ఒకటి రెండు చిన్నా చితకా ఆఫర్లు ఆమె వద్దకు వెళ్లిన మాట వాస్తవమే కాని ఇప్పటి వరకు ఆమె ఏ తెలుగు సినిమాకు సైన్ చేయలేదని తెలుస్తోంది. తెలుగు లో ఆమె నటించేందుకు ఆసక్తిగానే ఉన్నా మంచి ఆఫర్ కోసం వెయిట్‌ చేస్తున్నట్లుగా చెబుతున్నారు. వచ్చే ఏడాదిలో ఆమె టాలీవుడ్‌ ఎంట్రీ ఉండే అవకాశం లేకపోలేదు అంటూ కొందరు అభిప్రాయం వ్యక్తం చేస్తున్నారు. నెట్టింట పెద్ద ఎత్తున ఈ అమ్మడి టాలీవుడ్‌ ఎంట్రీ వార్తలు వస్తున్న నేపథ్యంలో ఆమె నుండి ఈ అనఫిషియల్‌ క్లారిటీ వచ్చింది.

తెలుగు లో బాలీవుడ్‌ హీరోయిన్స్ కూడా నటించేందుకు ఆసక్తిగా ఉన్న ఈ సమయంలో మాళవిక మోహన్‌ నటించేందుకు ఎందుకు ఓకే చెప్పడం లేదంటూ కొందరు ప్రశ్నిస్తున్న సమయంలో మంచి ఆఫర్ కోసం ఆమె ఎదురు చూస్తున్నట్లుగా ఆమె సన్నిహితులు చెబుతున్నారు. బాలీవుడ్‌ తో పాటు టాలీవుడ్‌ లో కూడా ఆమె వరుసగా సినిమాలు చేస్తుందని అంతా నమ్మకంగా ఉన్నారు. మాళవిక మోహన్‌ సోషల్‌ మీడియా హాట్‌ ఫొటో షూట్స్ తో ఇప్పటికే తెలుగు వారికి చేరువ అయ్యింది. ఈమె ఫొటో షూట్ లు రెగ్యులర్ గా వైరల్‌ అవుతూనే ఉన్నాయి.