ఆత్మగా మారితే ఇందిరా గాంధీని టార్గెట్‌ చేస్తా!

మలయాళ ముద్దుగుమ్మ మాళవిక నాయర్‌ తెలుగులో నాని హీరోగా నటించిన ‘ఎవడే సుబ్రమణ్యం’ చిత్రంతో ఎంట్రీ ఇచ్చిన విషయం తెల్సిందే. మొదటి సినిమాతో మంచి గుర్తింపు దక్కించుకున్నా కూడా తెలుగులో ఈమె ఆశించిన స్థాయిలో అవకాశాలు దక్కించుకోలేక పోయింది. తాజాగా ఈమె ‘ట్యాక్సీవాలా’ చిత్రంతో ప్రేక్షకుల ముందుకు వచ్చింది. ఈ చిత్రంలో హీరోయిన్‌ కాకున్నా మంచి పాత్ర అనే ఉద్దేశ్యంతో చేశానంటోంది. ఈ చిత్రం కోసం తాను రెండు ఏళ్లుగా ఎదురు చూస్తున్నాను అని - ఆత్మల నేపథ్యంలో తెరకెక్కిన ఈ చిత్రం తనకు బాగా నచ్చిందని - ఇటువంటి నేపథ్యంలో సినిమా చేసేందుకు ఉత్సాహం చూపాను అంది.

‘ట్యాక్సీవాలా’ చిత్రం సక్సెస్‌ అయిన నేపథ్యంలో ఈ అమ్మడు సంతోషాన్ని వ్యక్తం చేసింది. ఈ సందర్బంగా మీడియాతో మాట్లాడుతూ.. ట్యాక్సీవాలా పై నేను పెట్టుకున్న నమ్మకం నిజం అయ్యింది. ఒక మంచి పాత్రను చేశానని సంతృప్తి దక్కింది. నటనకు ఆస్కారం ఉన్న పాత్రలు చేయాలనే ఉద్దేశ్యంతో ఇటువంటి పాత్రలను చేస్తున్నట్లుగా ఆమె పేర్కొంది. ఇక మీరు ఆత్మగా మారితో ఎవరి శరీరంలోకి వెళ్లాలని అనుకుంటున్నారు అంటూ ప్రశ్నించిన సమయంలో విచిత్రమైన సమాధానం చెప్పి ఆశ్చర్య పర్చింది.

నాకు కనుక అలాంటి అవకాశం వస్తే తప్పకుండా నేను ఇందిరా గాంధీ గారి బాడీలోకి ప్రవేశిస్తాను. ఆమె ఆలోచన తీరు చాలా విభిన్నంగా ఉంటుంది. అందుకే ఆమె ఆలోచన విధానంను తెలుసుకునేందుకు ప్రయత్నిస్తాను. ఆమె బాడీ లాంగ్వేజ్‌ ను కూడా తెలుసుకుంటాను అంటూ చెప్పుకొచ్చింది. ఇక నాకు విజయ్‌ దేవరకొండ అంటే చాలా ఇష్టమని చెప్పిన మాళవిక - ఇతర హీరోల్లో చిరంజీవి అంటే ప్రత్యేకమైన అభిమానంగా పేర్కొంది. తెలుగులో మంచి పాత్రలతో మళ్లీ మళ్లీ వస్తానంటూ ఆమె చెప్పింది.