రాజ్ తరుణ్ హీరొయిన్ కు వయసు సమస్య!

గత ఏడాది ఏకంగా మూడు డిజాస్టర్లు టేస్ట్ చేసిన కుర్ర హీరో రాజ్ తరుణ్ ఆ తర్వాత కొంత గ్యాప్ తీసుకుని మళ్ళి సినిమాల్లో పడ్డాడు. దిల్ రాజు నిర్మిస్తున్న ప్రాజెక్ట్ ఇప్పటికే నిర్మాణంలో ఉండగా మరో మూవీ త్వరలోనే రెగ్యులర్ షూటింగ్ కు వెళ్లనుంది. గుండె జారి గల్లంతయ్యిందే ఫేం విజయ్ కుమార్ కొండా దర్శకత్వంలో రూపొండుతున్న సినిమాలో రాజ్ తరుణ్ హీరొయిన్ కు వయసు సమస్య వచ్చిందని వినికిడి.

అదేంటి అని ఆశ్చర్యపోకండి. ఇక్కడే ఉంది ట్విస్ట్. ఇప్పటికి దీనికి ముగ్గురు హీరొయిన్లు మారినట్టుగా ఇన్ సైడ్ టాక్. మొదట శాలిని పాండే అనుకున్నారు. కారణాలు తెలియలేదు కాని ఆ తర్వాత సీన్ లోకి ఆదితి రావు హైదరి వచ్చింది. మీడియా కవరేజ్ లో కూడా అదే చెప్పారు. ఇప్పుడు కట్ చేస్తే తన స్థానంలో మాళవిక నాయర్ ను తెచ్చినట్టు ఫ్రెష్ అప్ డేట్

ఇదంతా యూనిట్ నుంచి అందిన అధికారిక సమాచారం కాదు కాని ఫిలిం నగర్ టాక్స్ మాత్రం జోరుగా ఉన్నాయి. విశ్వసనీయ సమాచారం మేరకు ఇలా జరగడానికి రెండు కారణాలు చెబుతున్నారు. కథ రిత్యా హీరొయిన్ పాత్ర హీరో కన్నా వయసులో కొంత పెద్దదట. అందుకే లుక్స్ పరంగా రాజ్ తరుణ్ కన్నా కొంచెం మెచ్యుర్డ్ గా కనిపించే అమ్మాయిని సెట్ చేసుకోవడంలో ఇబ్బంది కలుగుతోందట. మరో కారణం విషయానికి వస్తే రెమ్యునరేషన్ ని చూపిస్తున్నారు. ఏదేమైనా పురిట్లోనే కష్టాలు అన్న రీతిలో రాజ్ తరుణ్ సినిమాకు ఈ హీరొయిన్ క్లియరెన్స్ కాగానే షూట్ స్పీడ్ అందుకుంటుందని వినికిడి