విజయ్ పై సంచలన వ్యాఖ్యలు చేసిన నటుడు!

రజనీకాంత్ తర్వాత తమిళంలో భారీ మాస్ ఫాలోయింగ్ ఉన్న స్టార్ హీరోల్లో విజయ్ ఒకరు. ఈమధ్య ఆయన సినిమాలు రజనీ సినిమాల కంటే ఎక్కువ వసూళ్లు సాధిస్తూ సంచలనం సృష్టిస్తున్నాయి. ఫ్యాన్స్ ఇళయదళపతి అని పిలుచుకునే విజయ్ పై ఎవరైనా కామెంట్స్ చేయాలంటే ఒకటికి నాలుగుసార్లు ఆలోచిస్తారు కానీ ఒక మలయాళం నటుడు విజయ్ పై సంచలన వ్యాఖ్యలు చేశాడు.

సిద్దిఖి మలయాళంలో దాదాపు మూడువందల సినిమాల్లో క్యారెక్టర్ ఆర్టిస్ట్ గా నటించాడు. రాజేష్ టచ్ రివర్ దర్శకత్వంలో తెరకెక్కిన 'నా బంగారుతల్లి' అనే అవార్డు విన్నింగ్ ఫిలిం లో కూడా నటించాడు. ఈమధ్య ఆయన ఒక ఇంటర్వ్యూలో మాట్లాడుతూ విజయ్ సూపర్ స్టార్ కావచ్చేమో కానీ సూపర్ యాక్టర్ మాత్రం కాదని అన్నాడు. ఆయనను స్టార్ డమ్ నడిపిస్తోందని అభిప్రాయపడ్డాడు. తమిళంలో నటన విషయంలో కమల్ హాసన్ సూపర్ స్టార్ అని సిద్దిఖి అభిప్రాయపడ్డాడు. ఇక మలయాళం చిత్రసీమ గురించి మాట్లాడుతూ మమ్ముట్టి.. మోహన్ లాల్ లాంటి గొప్ప నటులు ఉండడం మళయాళ పరిశ్రమ చేసుకున్న అదృష్టం అన్నాడు. ఏ చిత్ర పరిశ్రమ అయినా అక్కడ ఉండే సూపర్ స్టార్లను బట్టి రాణిస్తుందని.. అలాంటి సూపర్ స్టార్ల వల్లే తమలాంటి క్యారెక్టర్ ఆర్టిస్టుల మనుగడ సాగుతోందని అన్నాడు. కానీ తమిళ చిత్ర పరిశ్రమలో పరిస్థితులు మరో విధంగా ఉంటాయని అన్నాడు

సిద్దిఖి వ్యాఖ్యలపై విజయ్ అభిమానులు తీవ్రంగా మండిపడుతున్నారు. కొందరు ఇంకాస్త ముందుకెళ్ళి విజయ్ పై అనుచిత వ్యాఖ్యలు చేసినందుకు సిద్దిఖి క్షమాపణ చెప్పాలని డిమాండ్ చేస్తున్నారు.