మలి విడత ‘ఉప్పెన’ నీ క‌న్ను నీలి స‌ముద్రం వీడియో సాంగ్ రిలీజ్!

‘నీ కన్ను నీలి సముద్రం.. నా మనసేమో అందుట్లొ పడవ ప్రయాణం’ అనే పల్లవితో సాగే ‘ఉప్పెన’ సాంగ్ సృష్టించిన సంచ‌ల‌నం అంతా ఇంతా కాదు. దాదాపు ఏడాది కాలంగా యూట్యూబ్ లో ఈ పాట దుమ్ము లేపింది. రాక్ స్టార్ దేవీ శ్రీప్రసాద్ అందించిన ఈ మెలోడీ.. విన్న ప్రతి ఒక్కరినీ అలరించింది. ఇంకా యువత గుండెల్లో మోత మోగిస్తూనే ఉంది.

విడుదలైన రోజు నుంచే రికార్డ్ వ్యూస్ సాధిస్తూ సత్తా చాటుతోంది. అయితే.. ఆ పాట కేవలం ఇమేజెస్ తోనే సాగింది ఇన్నాళ్లు. కాగా.. త్వరలో సినిమా రిలీజ్ కు సిద్ధమవుతుండడంతో.. ఇప్పుడు ఈ పాటకు సంబంధించిన ప్రోమో సాంగ్ విడుదలైంది. ఒక నిమిషం లోపు ఉన్న ఈ వీడియో సాంగ్ అందరినీ అలరిస్తోంది. హీరోయిన్ ను చాటు మాటుగా గమనిస్తున్న హీరో.. తన ప్రేమ దేవతను తలుచుకుంటూ పాడే ఈ పాట చిత్రీకరణ కూడా హైలెట్ గా నిలుస్తోంది.

సుకుమార్ అసిస్టెంట్ బుచ్చిబాబు దర్శకత్వంలో ‘ఉప్పెన’ తెరకెక్కిన విషయం తెలిసిందే. సుకుమార్ రైటింగ్స్, మైత్రి మూవీ మేకర్స్ సంయుక్తంగా ఈ సినిమాను నిర్మించారు. వాలెంటైన్స్ డే సందర్భంగా ఫిబ్రవరి 12న ఈ సినిమా విడుదల కాబోతోంది. ఈ క్రమంలో శనివారం నిర్వహించిన ప్రీ రిలీజ్ వేడుకలో ఈ ప్రోమో సాంగ్ రిలీజ్ చేశారు. ఈ సినిమా ద్వారా మెగా హీరో వైష్ణవ్ తేజ్, కృతి శెట్టి హీరోహీరోయిన్లు పరిచయం అవుతున్నారు.