మ‌ల్లికా మ‌ల్లికా.. ఆహా ఎంత హాయిగా ఉంది గుణా?

ఒక చ‌క్క‌ని మెలోడీ విని చాలా కాల‌మే అయ్యింది. ఆ లోటును తీరుస్తోంది ఈ పాట‌. చ‌క్క‌గా బాణి కుదిరింది. స్వ‌రాల హోరులో సాహిత్యం తెర‌మ‌రుగ‌వ్వ‌కుండా ఎంతో అందంగా కుదురుకుంది.
ఈ పాట వింటుంటే మ‌న‌సులో తెలియ‌ని ఓ ఉద్వేగం.. తీయ‌ని అనుభూతి క‌లుగుతోంది. త‌న భ‌ర్త దుష్యంతుడి కోసం ఎదురు చూసే శకుంత‌ల త‌న చుట్టూ ఉన్న మొక్క‌లు ప‌క్షులతో మ‌న‌సులోని బాధను అందంగా వ్య‌క్తం చేస్తుంది. ఈ అంద‌మైన కాన్సెప్టుకు త‌గ్గ‌ట్టు మైమ‌రిపించే ట్యూన్ ని మ‌ణిశ‌ర్మ అందించారు. ఇది మ‌ణి-గుణ మార్క్ పాట‌లా హాయిగా ఉంది.

మ‌రి పూర్తి స్థాయి విజువ‌ల్స్‌తో సిల్వ‌ర్ స్క్రీన్ పై ఈ పాట‌ను వీక్షించాలంటే మాత్రం ఫిబ్ర‌వ‌రి 17 వ‌ర‌కు వేచి చూడాల్సిందేనంటున్నారు ఎపిక్ ఫిల్మ్ మేక‌ర్ గుణ శేఖ‌ర్‌. ప్రతీ సినిమాను ఎంతో ప్యాషన్ తో తెర‌కెక్కిస్తూ ప్ర‌తీ ఫ్రేమ్ చాలా గొప్ప‌గా ఉండాల‌ని క‌ల‌లు క‌ని దాన్ని వెండితెర‌పై సృష్టించ‌టానికి ఆరాట‌ప‌డే అతి కొద్ది మంది ఫిల్మ్ మేక‌ర్స్ లో గుణ శేఖ‌ర్ ఒక‌రు. ప్ర‌స్తుతం ఆయ‌న ద‌ర్శ‌క‌త్వంలో రూపొందుతోన్న పౌరాణిక‌ దృశ్య కావ్యం `శాకుంతలం` టీజ‌ర్ పాట‌ల‌తో హైప్ అమాంతం పెరుగుతోంది.

మ‌హాక‌వి కాళిదాసు ర‌చించిన సంస్కృత‌ నాటకం అభిజ్ఞాన శాకుంతలం ఆధారంగా `శాకుతలం` క‌థ‌ను రాసుకుని ఓ విజువ‌ల్ వండ‌ర్ ని ఆవిష్క‌రిస్తున్నారు గుణ. ఇప్ప‌టి వ‌ర‌కు ఇండియ‌న్ సినీ ల‌వ‌ర్స్ చూడ‌ని అందాల‌ను సిల్వ‌ర్ స్క్రీన్ పై వావ్ అనిపించేలా అద్భుత‌మైన దృశ్య‌కావ్యంగా రూపొందిస్తున్నారు. తాజాగా విడుద‌లైన మ‌ల్లికా మ‌ల్లికా పాట‌కు ఉప‌యోగించిన యానిమేష‌న్ గ్రాఫిక్స్ ఆక‌ట్టుకున్నాయి.

శ‌కుంత‌ల పాత్ర‌లో స‌మంత న‌టించ‌గా.. దుష్యంత మ‌హారాజు పాత్ర‌లో దేవ్ మోహ‌న్ న‌టించారు. సినిమా పోస్ట్ ప్రొడ‌క్ష‌న్ కార్య‌క్ర‌మాల‌ను పూర్తి చేసుకుంటుంది. ఫిబ్ర‌వ‌రి 17న ఈ చిత్రాన్ని తెలుగు- హిందీ- త‌మిళం- మ‌ల‌యాళం- క‌న్న‌డ భాషల్లో ప్ర‌పంచ వ్యాప్తంగా గ్రాండ్ లెవ‌ల్లో విడుద‌ల కానుంది. సినిమా ప్ర‌మోష‌న‌ల్ కార్య‌క్ర‌మాలు జోరుగా జ‌రుగుతున్నాయి. ఇటీవ‌ల విడుద‌ల చేసిన ఈ మూవీ ట్రైల‌ర్ అమేజింగ్ రెస్పాన్స్ వ‌చ్చింది. తాజాగా `మ‌ల్లికా మ‌ల్లికా..` పాట ఒక అంద‌మైన ఆహ్లాద‌మైన అనుభూతిని మిగిల్చింద‌ని చెప్పాలి. మెలోడి బ్రహ్మ మణిశర్మ సంగీత సారథ్యం వహించిన ఈ చిత్రంలోని ఈ పాటను చైతన్య ప్రసాద్ రాయగా.. రమ్య బెహ్రా ఆలపించారు.

ప్ర‌ముఖ నిర్మాత దిల్ రాజు స‌మర్ప‌ణ‌లో శ్రీ వెంక‌టేశ్వర క్రియేష‌న్స్- గుణ టీమ్ వ‌ర్క్స్ ప‌తాకాల‌పై నీలిమ గుణ నిర్మాత‌గా శాకుంత‌లం సినిమా రూపొందుతోంది. గుణ శేఖ‌ర్ ర‌చ‌న‌ ద‌ర్శ‌క‌త్వంలో రూపొందుతున్న శాకుంత‌లం చిత్రానికి సాయి మాధ‌వ్ బుర్రా సంభాష‌ణ‌లు అందించారు. శేఖ‌ర్ వి.జోసెఫ్ సినిమాటోగ్ర‌ఫీ అందించారు. ఈ చిత్రానికి ప్ర‌వీణ్ పూడి ఎడిట‌ర్ గా వ‌ర్క్ చేస్తున్నారు. ఈ చిత్రాన్ని విజువ‌ల్‌గానే కాకుండా మ్యూజికల్ గానూ ఆడియెన్స్ కు ఆమేజింగ్ ఎక్స్‌పీరియెన్స్ ఇవ్వ‌టానికి రీ రికార్డింగ్ ను బుడాపెస్ట్‌- హంగేరిలోని సింఫ‌నీ టెక్నీషియ‌న్స్ చేస్తున్నార‌ని తెలిసింది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.