స్వీటీ.. మళయాళంలో ఎంట్రీకి రెడీ

టాలీవుడ్ లో హీరోలతో సమానమైన క్రేజ్ ఉన్న హీరోయిన్ అనుష్క. ఈ తరంలో లేడీ ఓరియంటెడ్ సినిమాలంటే ఆమె పేరు మాత్రమే గుర్తుకొస్తుంది అనేంతగా పాపులారిటీ సంపాదించుకుంది. అనుష్క లేటెస్ట్ చిత్రం భాగమతి చిత్రం అనుకున్న స్థాయిలో కలెక్షన్లు రాబట్టిందంటే అందుకు కారణం ఆమెకున్న ఇమేజేనని చెప్పక తప్పదు.

భాగమతి తరవాత కొత్త సినిమాలేవీ అనుష్క ఓకే చేయలేదు. సినిమాలు చేయకపోవడం కాదు.. ఆఫర్లేవీ రావడం లేదని స్వీటీ ఓపెన్ గానే చెప్పింది. ఇలాంటి టైంలో ఆమెకు మళయాళం నుంచి ఆఫర్ వచ్చింది. మళయాళ సూపర్‌ స్టార్‌ మమ్ముట్టి హీరోగా చేయబోతే సినిమాలో హీరోయిన్ గా చేసేందుకు అనుష్క ఓకే చెప్పిందని తెలుస్తోంది. స్వీటీకి సౌత్ లో ఎంతో క్రేజ్ ఉన్నా కేవలం తమిళం.. తెలుగు సినిమాలు మాత్రమే చేసింది. ఒకానొక టైంలో బాలీవుడ్ నుంచి ఆఫర్లు వచ్చినా కాదనేసింది. ఇంతవరకు మళయాళంలో సినిమాలేవీ చేయలేదు. కాకపోతే ముమ్మట్టి పక్కన హీరోయిన్ కావడంతో ఆ భాషలో సినిమా చేయడానికి ఓకే చెప్పిందని అనుష్క సన్నిహితులు అంటున్నారు.

దీంతోపాటు అనుష్క తమిళ్ డైరెక్టర్ గౌతమ్ మీనన్ దర్శకత్వంలో ఓ సినిమా చేసే అవకాశం ఉంది. ఇంతకుముందు ఆయన డైరెక్షన్ లో అజిత్ హీరోగా నటించిన ఎంతవాడుగాని.. సినిమాలో స్వీటీ యాక్ట్ చేసింది. గౌతమ్ మీనన్ ప్రస్తుతం శింబు హీరోగా ఓ సినిమా చేస్తున్నాడు. అది పూర్తయ్యాక అనుష్కతో మూవీ స్టార్ట్ చేసే అవకాశముంది.