వైఎస్ ఆర్.. యాత్రకు స్వాగతం!!

దివంగత ముఖ్యమంత్రి వైఎస్ రాజశేఖర్ రెడ్డి జీవితంపై రూపొందుతున్న చిత్రం యాత్ర. వైఎస్ పాదయాత్రనే మెయిన్ థీమ్ గా చేసుకుని రూపొందుతున్న ఈ మూవీలో.. వైఎస్ పాత్రలో మలయాళ సూపర్ స్టార్ మమ్ముట్టి నటిస్తున్న విషయం తెలిసిందే. తాజగా ఈ సినిమా షూటింగ్ హైద్రాబాద్ లో ప్రారంభమైంది.

జూన్ 20నుంచి షూటింగ్ ప్రారంభం కాగా.. ఏకధాటిగా సింగిల్ షెడ్యూల్ లో యాత్ర చిత్రాన్ని తెరకెక్కించనున్నాడు దర్శకుడు మహి వి రాఘవ. అయితే.. ఈ సినిమా షూటింగ్ కు మమ్ముట్టి మొదటిసారిగా వచ్చినపుడు.. యూనిట్ చేసిన సందడి అందరినీ ఆకట్టుకుంటోంది. మమ్ముట్టికి వెల్ కం చెప్పిన విధానాన్ని ఓ వీడియోగా మార్చి.. టీజర్ మాదిరిగా రిలీజ్ చేసిన వైనం ఆకట్టుకుంటోంది. మహానేత పాత్రలో నటించేందుకు వస్తున్న మహానటుడికి.. అందుకు తగ్గ ఘన స్వాగత కార్యక్రమాన్నే ఏర్పాడు చేసారు యూనిట్.

పదుల కొద్దీ డ్యాన్సర్లు.. డప్పు వాయిద్యాలు.. మేళతాళాల తో మమ్ముట్టిని షూటింగ్ కు ఆహ్వనించిన వైనం అద్భుతం అనాల్సిందే. సెప్టెంబర్ వరకు ఒకే షెడ్యూల్ లో షూటింగ్ చేయనున్నారు మేకర్స్. తెలుగులో నేరుగా ఈ మలయాళీ స్టార్ నటిస్తున్న చిత్రం కావడంతో.. టాలీవుడ్ ఆడియన్స్ లో యాత్రపై ఆసక్తి ఎక్కువగానే ఉండే ఛాన్స్ ఉంది.