'ఏజెంట్‌' తో సూపర్‌ స్టార్‌ కాదు మెగాస్టార్‌

అక్కినేని ప్రిన్స్‌ అఖిల్ మరియు సురేందర్ రెడ్డిల కాంబోలో 'ఏజెంట్‌' సినిమా రాబోతుంది. సైరా నరసింహారెడ్డి తర్వాత సురేందర్‌ రెడ్డి దర్శకత్వంలో రూపొందతున్న సినిమా ఇదే అవ్వడంతో అంచనాలు భారీగా ఉన్నాయి. ఈ సినిమా లో సురేందర్ రెడ్డి కథ మరియు కథనంను మరియు అఖిల్‌ ను చాలా స్టైలిష్‌ గా చూపిస్తాడనే టాక్‌ వినిపిస్తుంది. ఇక ఈ సినిమాలో కీలక పాత్రను మోహన్‌ లాల్ పోషించబోతున్నట్లుగా ఇటీవల వార్తలు వచ్చాయి. మోహన్‌ లాల్‌ ను సురేందర్‌ రెడ్డి సంప్రదించగా ఓకే అన్నాడని కూడా ప్రచారం జరిగింది.

మలయాళ సూపర్‌ స్టార్‌ మోహన్‌ లాల్‌ ఎంట్రీతో ఏజెంట్‌ సినిమా రేంజ్ మరింతగా పెరుగుతుందని అంతా భావించారు. షూటింగ్‌ కు వెళ్లబోతున్న ఈ సమయంలో మోహన్‌ లాల్‌ ఈ ప్రాజెక్ట్‌ లో చేయడం లేదని అంటున్నారు. మోహన్‌ లాల్ కు ఇతర సినిమా లు ఉన్న కారణంగా డేట్లు క్లాష్‌ అవుతున్నాయట. దాంతో ఆయన ఈ సినిమా నుండి తప్పుకున్నట్లుగా సమాచారం అందుతోంది. మోహన్‌ లాల్ కోసం అనుకున్న పాత్రను మళ్లీ ఆయన స్థాయి నటుడితో చేయిస్తేనే బాగుంటుంది. అందుకే మలయాళ మెగాస్టార్‌ మమ్ముటీ ను నటింపజేస్తున్నట్లుగా తెలుస్తోంది.

తెలుగు ప్రేక్షకులకు పలు డబ్బింగ్‌ సినిమాలతో పాటు ఇటీవల వచ్చిన 'యాత్ర' సినిమాతో కూడా మమ్ముటీ సుపరిచితుడు. అందుకే ఆయన్ను ఈ సినిమా లో నటింపజేస్తే ఖచ్చితంగా సినిమాకు అదనపు ఆకర్షణ అవుతారనే ఉద్దేశ్యంతో సురేందర్ రెడ్డి ఆయన్ను సంప్రదించారట. మలయాళంలో పెద్ద పెద్ద సినిమాల్లో నటిస్తున్నా కూడా కాస్త కుదుర్చుకుని ఈ సినిమాలో నటించేందుకు ఆయన ఓకే చెప్తారనే నమ్మకంతో మేకర్స్ ఉన్నారు. మొత్తానికి మలయాళ సూపర్‌ స్టార్‌ కాకుండా మెగాస్టార్ మమ్ముట్టీతో సురేందర్ రెడ్డి ఏజెంట్‌ చేయబోతున్నాడట.