ట్రైలర్ టాక్: మనస్సుకు నచ్చేలాగానే ఉంది

ఇప్పటివరకు యాక్టింగ్ టాలెంటుతో ఆకట్టుకున్న మాజీ హీరో కృష్ణ కూతురు.. సూపర్ స్టార్ మహేష్‌ బాబు సోదరి మంజుల ఇప్పుడు కొత్త ప్రయత్నం చేస్తోంది. ఈసారి ఆమె డైరక్టర్ అవతారం ఎత్తనుంది. తొలిప్రయత్నంగా ''మనసుకు నచ్చింది'' అనే లవ్ స్టోరీతో పలకరిస్తోంది. పదండి ఈ సినిమా ట్రైలర్ ఎలా ఉందో చూద్దాం.

సందీప్ కిషన్.. అమైరా దస్తూర్.. త్రిధా చౌదరి ప్రధాన పాత్రలలో ఇప్పుడు మంజుల రూపొందిస్తున్న చిత్రం.. ఒక క్యూట్ అండ్ ఫీల్ గుడ్ లవ్ స్టోరీ అని ట్రైలర్ చూస్తే చెప్పొచ్చు. పెళ్ళినుండి పారిపోయిన వధూవరులుగా సందీప్ అండ్ అమైరా భలే సెట్టయ్యారు. ఆ తరువాత వారు ఒకరితో ఒకరు మంచి స్నేహాన్ని కొనసాగిస్తూ.. తమ జంటను వెతుక్కునే పనిలో పడతారు. ఈ క్రమంలో వారే ప్రేమలో పడతారు. ఇంతలో సందీప్ ను ప్రేమిస్తూ ఉంటుంది త్రిధా చౌదరి. సింపుల్ సందీప్.. క్యూట్ గా అమైరా.. బికినీల్లో త్రిధా.. బాగానే అలరించారు. అలాగే ఈ ఫీల్ గుడ్ లవ్ స్టోరీకి రదన్ అందించిన మ్యూజిక్ బాగుంది. రవి యాదవ్ సినిమాటోగ్రాఫీ కూడా ప్లస్ పాయింటే.

ఇప్పుడు ఈ ట్రైలర్ ను చూసినవారంతా.. ఈ మధ్యకాలంలో ఇటువంటి ప్రేమాత్మక ప్రేమకథా చిత్రాన్ని చూడలేదనే అంటున్నారు. ఇటువంటి ఫీల్ గుడ్ ప్రేమకథలకు మంచి డిమాండ్ ఉంటుంది కాని.. మంచి రిలీజ్ టైమింగ్ మాత్రం ముఖ్యం.