దెయ్యం గెటప్స్ లో 'మంచి రోజులు వచ్చాయి' టీమ్..!

హలోవీన్ డే సందర్భంగా సెలబ్రిటీలందరూ ఘోస్ట్ గెటప్స్‌ లో సందడి చేశారు. టాలీవుడ్ స్టార్స్ కూడా దెయ్యాల లుక్ లోకి మారిపోయి ఫ్యాన్స్ ని అలరించారు. 'మంచి రోజులు వచ్చాయి' చిత్ర బృందం కూడా హలోవీన్ పార్టీ చేసుకుంది. ఈ విషయాన్ని సోషల్ మీడియాలో వెల్లదించిన మేకర్స్.. కొన్ని ఫొటోలను షేర్ చేశారు. ఇందులో దర్శకుడు మారుతితో పాటుగా హీరోహీరోయిన్లు సంతోష్ శోభన్ - మెహ్రీన్ కౌర్ - కమెడియన్ సుదర్శన్ ఘోస్ట్ గెటప్స్‌ లో కనిపిస్తున్నారు.

వీటిని చూసి ఎవరూ భయపడవద్దని.. కుటుంబ సభ్యులతో కలసి ఆనందించే ఎంటర్‌టైన్‌మెంట్ 'మంచి రోజులు వచ్చాయి' తో నవంబర్ 4న థియేటర్లలో కలుద్దామని మేకర్స్ పేర్కొన్నారు. మారుతి దర్శకత్వంలో సంతోష్ శోభన్ - మెహ్రీన్ జంటగా ఈ సినిమా రూపొందింది. యువీ కాన్సెప్ట్స్ - మాస్ మూవీ మేకర్స్ బ్యానర్స్ పై వి సెల్యులాయిడ్ - SKN సంయుక్తంగా ఈ చిత్రాన్ని నిర్మించారు. ఇప్పటికే విడుదలైన ప్రమోషనల్ కంటెంట్ మంచి రెస్పాన్స్ తెచ్చుకుంది. రీసెంటుగా వచ్చిన ట్రైలర్ సోషల్ మీడియాలో ట్రెండ్ అవుతోంది.

'మంచి రోజులు వచ్చాయి' చిత్రాన్ని దీపావళి సందర్భంగా నవంబర్ 4న విడుదల చేయనున్నారు. అయితే ముందు రోజు నవంబర్ 3వ తేదీ రాత్రి 8.30 గంటలకు తెలుగు రాష్ట్రాలలోని ప్రధాన నగరాల్లో పెయిడ్ ప్రీమియర్స్ ను ప్రదర్శించబోతున్నారు. వైజాగ్ - ఏలూరు - రాజమండ్రి - విజయవాడ - గుంటూరు - తిరుపతి - నెల్లూరు తదితర నగరాల్లో పేయిడ్ ప్రీమియర్ ఏర్పాటవుతునన్నాయి. యంగ్ రెబల్ స్టార్ ప్రభాస్ ఫ్యాన్స్ డిమాండ్ మేరకు భీమవరంలో కూడా స్పెషల్ ప్రీమియర్ షో వేస్తున్నట్లుగా మేకర్స్ అధికారికంగా ప్రకటించారు.

మారుతి తరహా సందేశం కామెడీ రొమాన్స్ కలబోసిన 'మంచిరోజులు వచ్చాయి' సినిమా ఖచ్చితంగా ప్రేక్షకులను అలరిస్తుందని చిత్ర బృందం నమ్మకంగా చెబుతున్నారు. ఈ చిత్రంలో అజయ్ ఘోష్ - వెన్నెల కిషోర్ - సప్తగిరి - సుదర్శన్ - వైవా హర్ష - సత్యం రాజేష్ - శ్రీకాంత్ అయ్యంగార్ - రంజిత తదితరులు నటించారు. అనూప్ రూబెన్స్ ఈ చిత్రానికి సంగీతం సమకూర్చగా.. శ్రీరామ్ సినిమాటోగ్రఫీ అందించారు.