మంచు ఫ్యామిలీకి హ్యాట్రిక్స్ షాకులు!!

మంచు ఫ్యామిలీకి వరసగా షాకులు తగులుతున్నాయి. ఈ ఏడాది ప్రారంభం నుంచి ఇప్పటివరకూ మొత్తం మంచు వారసులు ముగ్గురూ సినిమాలు రిలీజ్ చేసేశారు. వాస్తవానికి ఈ సినిమాలు మూడు.. రిలీజ్ కి ముందు బోలెడంత ఆసక్తి కలిగించాయి. అయితే.. రిజల్ట్ దగ్గరకు వచ్చేసరికి.. అన్ని సినిమాలు బోల్తా కొట్టేయడం ఆశ్చర్యకరం.

మొదటగా లక్కున్నోడు అంటూ మంచు విష్ణు థియేటర్లలోకి వచ్చాడు. కరెన్సీ థీమ్ తో రూపొందిన ఈ సినిమాకు బాగానే ఖర్చు చేశారు. పెద్ద నోట్ల రద్దు దెబ్బకి.. కొంత భాగాన్ని రెండోసారి కూడా షూట్ చేయాల్సి వచ్చింది. చాలానే అంచనాల మధ్య రిలీజ్ అయిన లక్కున్నోడికి.. వసూళ్ల విషయంలో మాత్రం లక్కు చిక్కలేదు. ఈ నెల మొదటివారంలో గుంటూరోడు అంటూ మంచు మనోజ్ వచ్చేశాడు. ఈ చిత్రానకి మెగాస్టార్ చిరంజీవి వాయిస్ ఓవర్ చెప్పడం.. ఇప్పటివరకూ చిరు వాయిస్ చెప్పిన సినిమాలన్నీ సక్సెస్ కావడంతో.. సెంటిమెంట్ గా కూడా ఈ చిత్రంపై ఎక్స్ పెక్టేషన్స్ పెరిగాయి. మరోవైపు మంచు మనోజ్ మొదటిసారిగా ఫుల్ లెంగ్త్ మాస్ మూవీ చేయడం కూడా ఆసక్తి కలిగించినా.. ఈ చిత్రానికి ఓపెనింగ్స్ తప్ప ఆ తర్వాత పరిస్థితి బాలేదు.

ఈ శుక్రవారం మంచు లక్ష్మి నటించిన లక్ష్మీ బాంబ్ రిలీజ్ అయింది. మంచు లేడీ లీడ్ రోల్ చేసిన ఈ సినిమా కూడా టైటిల్ నుంచి ఆసక్తి కలిగించినా రిజల్ట్ మాత్రం సేమ్ డిట్టోనే. నెలన్నర తేడాలో మంచు వారసులు ముగ్గురు మూడు ఫ్లాప్స్ కొట్టేశారు. వీటిలో ఏ ఒక్కటి సక్సెస్ అయినా.. మంచు అభిమానులు సందడి మామూలుగా ఉండేది కాదు. కానీ వారి ఉత్సాహానికి తగిన సినిమా మాత్రం ఒక్కటీ కూడా రాలేదనే చెప్పాలి.

Like Us on Facebook : https://www.facebook.com/Tupakidotcom/