విష్ణుకి ల‌క్ష్మీ విషెస్ ఇలా..!!

మంచు కుటుంబంలో మ‌రోసారి సంద‌డి వాతావ‌ర‌ణం క‌నిపిస్తోంది. మంచు మోహ‌న్‌ బాబు చిత్ర ప‌రిశ్ర‌మ‌లోకి అడుగుపెట్టి న‌ల‌భ‌య్యేళ్లు పూర్త‌యింది. ఈ సంద‌ర్భంగా ఆదివారం ఓ స్టార్ హోట‌ల్‌ లో విలేక‌రుల స‌మావేశం ఏర్పాటు చేసి త‌న సినీ ప్ర‌యాణాన్ని నెమ‌రేసుకొన్నారు మోహ‌న్‌ బాబు. త‌న‌కి జీవితాన్నిచ్చిన గురువు దాస‌రి నారాయ‌ణ‌రావునీ ఆ వేడుక‌లో కొనియాడారు. ఆ ఆనందం పూర్తి కాక‌ముందే విష్ణు పుట్టిన‌రోజు వ‌చ్చేసింది. త‌న పుట్టిన‌రోజును పుర‌స్క‌రించుకొని అభిమానుల్ని సంతోష‌ప‌రిచేలా సిక్స్‌ ప్యాక్‌ తో కూడిన స‌రదా స్టిల్లుని విడుద‌ల చేశాడు. ఇక ఇంట్లో అయితే మ‌రింత సంద‌డి క‌నిపిస్తోంది. ఆదివారం రాత్రి ప‌న్నెండు నుంచే హ‌డావుడి మొద‌లైంది. ఇంట్లో కుటుంబ స‌భ్యులంతా క‌లిసి విష్ణుకి రాత్రే బ‌ర్త్ డే విషెస్ చెప్పారు. ఇక సోమ‌వారమంతా ఆ సంబ‌రాలే కొన‌సాగ‌బోతున్నాయి.

ఇక మంచు అమ్మాయి ల‌క్ష్మి అంటే స‌మ్ థింగ్ స్పెష‌ల్ క‌దా! ఆమె ఏం చేసినా ఓ ప్ర‌త్యేక‌త ఉంటుందంతే. త‌న త‌మ్ముడికి బ‌ర్త్ డే విషెస్‌ ని కూడా ఇదిగో ఇలా చెప్పింది. ఎగిరి విష్ణుపై కూర్చుని చెవిలో హ్యాపీ బ‌ర్త్ డే అంటూ గ‌ట్టిగా అరుస్తూ విషెస్ చెబుతున్న‌ట్టుంది ల‌క్ష్మీ. అలా చెప్పడం ఎంత ఆనందాన్నిచ్చిందో ఇదిగో ఇక్క‌డ విష్ణు ముఖంలో స్ప‌ష్టంగా క‌నిపించ‌డం లేదూ! ఇదే ఫొటోని ట్వీట్ చేస్తూ... తండ్రిలాంటి త‌మ్ముడు ఎప్పుడూ ఇలా న‌వ్వుతూ ఆరోగ్యంగా ఉండాలంటూ దీవెన‌లు తెలిపింది ల‌క్ష్మీ. సో... మ‌నం కూడా విష్ణుకి విషెస్ చెప్పేద్దామా!!