మంచు లక్ష్మి మంచి షో అయిపోతోందా?

అటు వెండితెరతో పాటు ఇటు బుల్లితెరపైనా సందడి చేయడంలో మంచు వారసురాలు మంచు లక్ష్మికి కొత్తేమీ కాదు. సిల్వర్ స్క్రీన్ యాక్టింగ్ లో ట్యాలెంట్ చూపించే ఈమె.. పలు టీవీ కార్యక్రమాలను హోస్ట్ చేసింది. ఇప్పటివరకూ ఇలాంటి ప్రోగ్రామ్స్ చాలానే చేసినా.. ప్రస్తుతం ప్రసారం అవుతున్న 'మేము సైతం' మాత్రం మంచు లక్ష్మి కెరీర్ లోనే ఓ మైలు రాయి.

'మేము సైతం చివరి ఎపిసోడ్ ఇవాళ రాత్రి ప్రసారం కానుంది. నాగార్జున గారితో ఈ కార్యక్రమం ఉంటుంది. అంత అందమైన మంచి మనసున్న వ్యక్తి కృతజ్ఞతలు' అంటూ ట్వీట్ తో పాటు ఓ నమస్కారం కూడా పోస్ట్ చేసింది మంచు లక్ష్మి. తెలుగు టెలివిజన్ హిస్టరీలో ఓ మంచి ఉద్దేశ్యంతో మొదలైన కార్యక్రమం మేము సైతం.. ఆఖరి ఎపిసోడ్ అనే సరికి చాలామందికి నిరుత్సాహం కలిగింది.

సెలబ్రిటీలను కార్యక్రమాలకు పిలవడమే కాదు.. వారిని సాధారణ వ్యక్తులుగా మార్చి కార్మికుల మాదిరిగా రోజువారి పనులు చేయించి.. కష్టంలో ఉన్నవారిని ఆదుకునే సత్కార్యంలో సామాన్యులకు కూడా భాగం ఇచ్చి.. అందరినీ ఆకట్టుకున్న మేముసైతం.. ఇప్పుడు పూర్తయిపోతోందని తెలిసి.. ప్రేక్షకులు నిరుత్సాహానికి గురవుతున్నారు.

Like Us on Facebook : https://www.facebook.com/Tupakidotcom/