చిరు 'చింపిఫైడ్' అంటున్న మంచు

ఖైదీ నంబర్ 150కి రికార్డులన్నీ రాసిచ్చేస్తూ.. మెగాస్టార్ చిరంజీవికి టాలీవుడ్ రికార్డులకు గ్రాండ్ వెల్కం చెప్పారు. అన్ని ఏరియాల్లోనూ ఆల్ టైం రికార్డులు సృష్టిస్తున్న మెగా మూవీకి.. చిరంజీవి కంబ్యాక్ కి అన్ని వర్గాల నుంచి విపరీతమైన ఆదరణ లభిస్తోంది. టాలీవుడ్ సెలబ్రిటీలు అయితే.. మెగాస్టార్ రీ ఎంట్రీ ఇచ్చిన తీరుకు మెస్మరైజ్ అయిపోతున్నారు.

తాజాగా మంచు లక్ష్మి ఖైదీ నంబర్ 150 మూవీ చూశానని చెప్పింది. అంతే కాదు.. చిరు కోసం ఓ కొత్త వర్డింగ్ కూడా కనిపెట్టింది. 'ఇప్పుడే ఖైదీ నంబర్ 150 చేశా. చిరు చింపిఫైడ్. కమర్షియల్ ఎలిమెంట్స్ ఎంతో మంచి పవర్ ఫుల్ మెసేజ్ ఇచ్చారు. నిర్మాతగా రామ్ చరణ్ మనం గర్వపడేలా చేశాడు' అంటూ తెగ పొగిడేసింది లక్ష్మి. చిరు చింపేశాడంతే అని చెప్పడానికి.. చింపిఫైడ్ అంటూ ఈ భామ కనిపెట్టిన కొత్త పదం అందరినీ ఆకట్టుకుంటోంది.

అటు చిరంజీవి మూవీని పొగడ్డమే కాదు.. ఆ సినిమా నిర్మాత కం తన ఫ్యామిలీ ఫ్రెండ్ అయిన రామ్ చరణ్ ని కూడా లక్ష్మి మంచు అభినందనల్లో ముంచెత్తడం విశేషం. మూవీ నచ్చితే.. ఎవరినైనా మొహమాటం లేకుండా పొగడ్డంలో ఏ మాత్ర ఆలోచించని మంచు లక్ష్మి.. ఖైదీ నంబర్ 150పై వేసిన ట్వీట్.. ఇప్పుడు తెగ రీట్వీట్ అయిపోతోంది.

Like Us on Facebook : https://www.facebook.com/Tupakidotcom/