బన్నీ మూవీలో లక్ష్మికి నచ్చిందిదే

అల్లు అర్జున్ - రకుల్ ప్రీత్ సింగ్ - కేథరిన్ త్రెసాలు నటించిన సరైనోడు చిత్రం కోసం కొత్త ట్రెండ్ ఒకటి స్టార్ట్ చేశారు. ఆడియో ఫంక్షన్ లేకుండానే.. డైరెక్టుగా పాటలను విడుదల చేసేశారు. ఇప్పటికే అన్ని పాటలు ఆన్ లైన్ తో పాటు ఐపాడ్స్ లో కూడా తెగ వినిపించేస్తున్నాయి. ఆడియో సూపర్బ్ గా ఉందంటూ టాక్ వస్తోంది.

సరైనోడులో ఓ పాటపై మోహన్ బాబు కూతురు మంచు లక్ష్మి ట్వీట్ చేసింది. 'అల్లు అర్జున్ - రకుల్ ప్రీత్ - బోయపాటి - ఎస్ ఎస్ థమన్... సరైనోడు కోసం రూపొందించిన ఈ లవ్ సాంగ్ ఎంత బాగుందో?' అని ట్వీట్ చేసింది లక్ష్మి మంచు. రకుల్ నువ్వంటే ఇష్టం అని కూడా రాసింది. ఈ ట్వీట్ తో పాటు తనకు నచ్చిన పాటకు సంబంధించిన యూట్యూబ్ లింక్ ను కూడా పోస్ట్ చేసింది లక్ష్మి మంచు.

'తెలుసా తెలుసా ప్రేమించానని... తెలుసా తెలుసా ప్రాణం నువ్వని' అంటూ సాగే ఈ మెలోడీ సూపర్బ్ గా ఉంది. బన్నీ - రకుల్ పై సాగే ఈ పాటను బొలివియాలో చిత్రీకరించారని తెలుస్తోంది. విజువల్ గా కూడా ఈ పాట ప్రేక్షకులను అలరించడం ఖాయం అని చెప్పచ్చు.