డిన్నర్ పార్టీలో మెగా సిస్టర్స్ తో మంచు లక్ష్మీ - లావణ్య త్రిపాఠి..!

సెలబ్రిటీలు అందరూ సినిమా ఫంక్షన్స్ లోనే కాకుండా వీలు కుదిరినప్పుడల్లా కలిసి ప్రైవేట్ పార్టీలు చేసుకుంటూ ఎంజాయ్ చేస్తుంటారు. ఇప్పుడు ప్రముఖ డిజైనర్ శిల్పా రెడ్డి తన ప్రీ బర్త్ డే పార్టీని జరుపుకోగా.. దీనికి టాలీవుడ్ సెలబ్రిటీలు హాజరై సందడి చేశారు.

శిల్పా రెడ్డి డిన్నర్ పార్టీలో మంచు లక్ష్మీ - హీరోయిన్ లావణ్య త్రిపాఠితో పాటుగా మెగా సిస్టర్స్ నిహారిక కొణిదెల - సుస్మిత - శ్రీజ కనిపించారు. వీరితో పాటుగా సోషల్ మీడియా ఇన్ఫ్లూయన్సర్ నిహారిక ఎన్ఎమ్ కూడా చేరింది.

డిన్నర్ పార్టీకి సంబంధించిన ఫోటోలు మరియు వీడియోలు బయటకు వచ్చాయి. లేడీస్ అంతా కలిసి చాలా సరదాగా గడిపినట్లు కనిపిస్తోంది. ఇది నిశ్శబ్ద విందుగా భావించినప్పటికీ.. క్రేజీ ప్రీ బర్త్ డే పార్టీగా మారిందని శిల్పా రెడ్డి పేర్కొంది.

'ప్రశాంతంగా ఉండాల్సిన డిన్నర్ పార్టీ.. క్రేజీ ప్రీ బర్త్ డే పార్టీగా మారింది.. అమ్మాయిలతో కలిసి ముసిముసి నవ్వులు.. అల్లరి చేస్తూ చాలా సరదాగా మార్చినందుకు మీ అందరికీ ధన్యవాదాలు' అని శిల్పా ఇన్స్టాగ్రామ్ లో రాసుకొచ్చింది.

'నేను ఆరాధించే మన వెరీ ఓన్ సౌత్ స్టార్ నిహారిక ఎన్ఎమ్‌ ని కలిశాను. ఆమెను వ్యక్తిగతంగా తెలుసుకోవడం 'వేరే లెవల్' సరదాగా అనిపించింది. ఆమె ఎడిట్ చేయని క్రేజీ టాలెంట్ వైబ్‌ ని చూడటం చాలా అదృష్టంగా భావిస్తున్నాను' అని పోస్ట్ చేసింది.

ఇన్‌స్టాలో మీరు ఎప్పటికీ చూడలేనివన్నీ అంటూ తన ప్రీ బర్త్ డే డిన్నర్ పార్టీకి సంబంధించిన రీల్స్ ని షేర్ చేసింది శిల్పారెడ్డి. దీనికి మంచు లక్ష్మీ - నిహారిక - సుష్మిత కొణిదెల - నిహారిక లను ట్యాగ్ చేసింది.

నిహారిక కొణిదెల ఇన్స్టాగ్రామ్ స్టోరీలను బట్టి.. డిన్నర్ పార్టీ తర్వాత నిహారిక ఎన్ఎమ్ తో కలిసి మెగా కజిన్స్ కొంత సరదా సమయాన్ని గడిపినట్లు తెలుస్తోంది. యువ హీరో అల్లు శిరీష్ మరియు నిహారిక భర్త చైతన్య కూడా వీరితో కలిసి ఎంజాయ్ చేసినట్లు కనిపిస్తోంది. నిహారిక ఎన్ ఎమ్ సైతం ఈ వీడియోని ఇన్స్టాగ్రామ్ లో పంచుకుంది.

ఇకపోతే ఇటీవల శిల్పా రెడ్డి జూబ్లీహిల్స్ లో కొత్తగా సస్టైన్ కార్ట్ అనే రిటైల్ స్టోర్ ను ఓపెన్ చేయగా.. ఆ వేడుకలోనూ మంచు లక్ష్మి - శ్రీజ - నిహారిక - సుస్మిత సందడి చేశారు. వీరంతా తరచుగా కలిసి ఎంజాయ్ చేస్తుంటారని ఈ ఫోటోలు వీడియోలు చూస్తే అర్థం అవుతోంది.