మన్మథుడు 2 తో జాయిన్ అయిన మంచులక్షి

ఫిల్మీ బ్యాక్ గ్రౌండ్ ఉండేవారు టాలీవుడ్ లో చాలామంది ఉన్నారు కానీ వారిలో మంచు లక్ష్మికి ఉన్నా ఫాలోయింగే వేరు. నటిగా.. నిర్మాతగా.. టీవీ హోస్టుగా.. హాలీవుడ్ సీరియల్ లో ఆర్టిస్టుగా మంచు లక్ష్మి టచ్ చేయని అంశం లేదు. ఇక ఒక విషయం ఓపెన్ గా చెప్పుకుంటే ప్రతి ఒక్క తెలుగువాడూ మంచు లక్ష్మి ఇంగ్లీషుకు ఏదో ఒక రకంగా ఫ్యానే.

లెజెండరీ మోహన్ బాబు గారి ముద్దుల కుమార్తెగా ఆమెకు ఇండస్ట్రీలో ప్రతిఒక్కరితో పరిచయాలు ఉన్నాయి. వారిలో అక్కినేని కుటుంబం వారు కూడా ఉన్నారు. మంచు లక్ష్మి తాజాగా తన ఇన్స్టా ఖాతా నుండి ఒక త్రోబ్యాక్ ఫోటో పోస్ట్ చేశారు. త్రోబ్యాక్ అంటే తెలుసు కదా? ఫ్లాష్ బ్యాక్ ఫోటో. ఈ ఫోటోకు పవర్ఫుల్ మంచు లేడీ ఇచ్చిన క్యాప్షన్ "#మన్మథుడు 2 తో పోర్చుగల్ లో జాయన్ కావడం కంటే ఇంకా బెటర్ గా వెకే షన్ ను ఎలా స్పెండ్ చేయగలం? వెకేషన్ త్రో బ్యాక్. నా ఫేవరెట్స్ అందరికీ లవ్."

ఈ ఫోటోలో అక్కినేని నాగార్జున.. ఆయన సతీమణి అమల.. హీరోయిన్ రకుల్ ప్రీత్ సింగ్ డిన్నర్ చేస్తూ చిరునవ్వుల్లో మునిగిపోయి ఉన్నారు. వారితో పాటుగా మంచు లక్ష్మి కూడా ఉన్నారు. ఇక నాగ్ అయితే రెండు వేళ్ళతో విక్టరీ సింబల్ ను చూపిస్తూ పోజివ్వడం విశేషం. కొద్దిరోజుల క్రితం వరకూ 'మన్మథుడు 2' టీమ్ పోర్చుగల్ లో ఒక సుదీర్ఘమైన షెడ్యూల్ షూటింగ్ జరుపుకున్న సంగతి తెలిసిందే. ఈ సమయంలోనే మంచు లక్ష్మి వారితో జాయన్ అయ్యారు. అప్పుడు తీసిందే ఈ ఫోటో.