ప‌వ‌న్ విషెస్ ట్వీట్ల‌లో ఆ ఇద్ద‌రిదే సో స్పెష‌ల్‌

కొన్నిసార్లు అంతే. ఇప్ప‌టివ‌ర‌కూ ఎన్ని సెప్టెంబ‌రు 2 చూడలేదు. కానీ.. ఎప్పుడూ లేని రీతిలో ఈ సెప్టెంబ‌రు 2 సంద‌ర్భంగా మాత్రం జ‌న‌సేన అధినేత‌.. ప‌వ‌ర్ స్టార్ ప‌వ‌న్ క‌ల్యాణ్ కు బ‌ర్త్‌ డే విషెస్ సంద‌డి కొట్టొచ్చిన‌ట్లు క‌నిపించింది. గ‌తంలో ఎప్పుడూ ఇలాంటి హ‌డావుడి లేద‌నే చెప్పాలి. సామాన్యులు మొద‌లు సెల‌బ్రిటీల వ‌ర‌కూ.. ఆ మాట‌కు వ‌స్తే ఏపీ ముఖ్య‌మంత్రి చంద్ర‌బాబు.. ఆయ‌న కుమారుడు క‌మ్ ఏపీ మంత్రి లోకేష్ ఇద్ద‌రూ ట్వీట్ విషెస్ చేశారు.

ఆశ్చ‌ర్య‌క‌రంగా తెలంగాణ రాష్ట్ర మంత్రి కేటీఆర్ మాత్రం ట్వీట్ చేయ‌లేదు. ప్ర‌గ‌తి నివేద‌న స‌భ హ‌డావుడిలో ఉండి ఉండొచ్చు. ప‌వ‌న్ కు ప‌లువురు ప్ర‌ముఖులు పెద్ద ఎత్తున ట్వీట్ విషెస్ చెప్పినా.. ఇద్ద‌రు చెప్పిన పుట్టిన‌రోజు శుభాకాంక్ష‌లు స‌మ్ థింగ్ స్పెష‌ల్ గా నిల‌వ‌ట‌మే కాదు.. ఆయ‌న అభిమానుల మ‌నసుల్ని దోచుకునేలా ఉన్నాయ‌ని చెప్పాలి.

ఇంత‌కూ ఆ ఇద్ద‌రు ప్ర‌ముఖులు ఎవ‌రంటే.. ఒక‌రు స‌మంత అయితే.. మ‌రొక‌రు మంచు మ‌నోజ్. ప‌వ‌న్ ను ఇప్ప‌టివ‌ర‌కూ ప‌లువురు పొగిడినా..ఆయ‌న మ‌న‌స్త‌త్వం గురించి గొప్ప‌గా చెప్పినా.. ఏ సెల‌బ్రిటీ చెప్ప‌నంత స్వీట్ గా చెప్పి ప‌వ‌న్ అభిమానుల‌కు అస‌లుసిస‌లైన బ‌ర్త్ డే విషెస్ ను శామ్ చెప్పింద‌ని చెప్పాలి.

ప‌వ‌న్ వ్య‌క్తిత్వాన్ని సింఫుల్ గా మూడు ముక్క‌ల్లో తేల్చిన ఆమె ట్వీట్ కు ప‌వ‌న్ అభిమానులు ప‌ర‌వ‌శించిపోతున్నారు. ‘‘హ్యాపీ బర్త్ డే పవర్ స్టార్.. నిస్వార్ధపరుడవైన నువ్వు ఈ తరానికి రోల్ మోడల్‌ గా నిలుస్తున్నావు. అందుకు మేము గర్వపడుతున్నాం’’ అని ట్యాగ్ చేస్తూ ట్వీట్ చేశారు.

ఇక‌.. సినీ న‌టుడు మంచు మ‌నోజ్ చేసిన బ‌ర్త్ డే విషెస్ ట్వీట్ సైతం అంద‌రి దృష్టిని విప‌రీతంగా ఆకర్షిస్తోంది. ప‌వ‌న్ కు పుట్టిన‌రోజు శుభాకాంక్ష‌లు చెబుతూ.. ‘‘హ్యాపీ బర్త్‌ డే పవన్‌ కల్యాణ్‌ గారు. ఈ ఏడాది పుట్టినరోజు మీకు చాలా ప్రత్యేకమైంది. వచ్చే ఏడాదికల్లా మీరు రాజకీయ నేత అవుతారు. వచ్చే ఏడాది జరిగే ఎన్నికల్లో మీకు శుభం జరగాలని కోరుకుంటున్నా బిగ్‌ బ్రదర్‌’’ అని పేర్కొన్నారు. మంచు ఫ్యామిలీకి ప‌వ‌న్ కు మ‌ధ్య ట‌ర్మ్స్ స‌రిగా లేవ‌నుకునే గుస‌గుస‌ల‌కు చెక్ పెట్టేలా మ‌నోజ్ విషెస్ ఉండ‌ట‌మే కాదు.. ప‌వ‌న్ కు కొత్త బ‌లం అద‌నంగా జ‌తైంద‌న్న మాట వినిపిస్తోంది. ఏమైనా.. ఈసారి బ‌ర్త్ డే ప‌వ‌న్ కు సో స్పెష‌ల్ అని చెప్ప‌క‌త‌ప్ప‌దు.