మంచు హీరో కొత్తగా ట్రై చేస్తున్నాడు

మంచు మనోజ్ సోషల్ మీడియాలో మహా యాక్టివ్. సహజంగా చాలామంది హీరోలు తమ సినిమాలకు మాత్రమే ట్వీట్లు పెట్టి ప్రమోషన్స్ చేసుకుంటూ ఉంటారు. కానీ మనోజ్ మాత్రం తన సాటి హీరోల మూవీస్ కి కూడా కామెంట్స్ చేస్తూ ఉంటాడు. మనోజ్ ట్విట్టర్ పేజ్ చూస్తే ఈ విషయం అర్ధమవుతుంది. అయితే.. తాజాగా సినిమాలు మానేస్తున్నానంటూ ఓ సెన్సేషన్ సృష్టించిన మంచు హీరో.. ఆ తర్వాత ఉట్టినే సరదాకి అంతే.. కొత్తగా ట్రై చేస్తే ఇంకోటేదో అయిందని చెప్పాడు.

మరి ఆ విషయం జనాలు మర్చిపోడానికా అన్నట్లు చకచకా కొత్త ట్వీట్స్ కొట్టేస్తున్నాడు మంచు మనోజ్ కుమార్. మొదటగా తన అక్క కూతురు నిర్వాణకు బర్త్ డే విషెస్ చెబుతూ.. బుజ్జి నిర్వాణ పుట్టినప్పటి ఫోటో ఒకటి షేర్ చేశాడు. ఆ చిన్ని పాపను మామ మనోజ్ ముద్దు పెట్టుకుంటున్న ఫోటో భలే చూడముచ్చటగా ఉందిలే. ఇదే రోజు తన బావ.. మంచు లక్ష్మి భర్త అయిన ప్రేమానంద్ పుట్టిన రోజు కావడంతో.. ఇద్దరికీ కలిపి ఒకటే ట్వీట్ లో బర్త్ డే విషెస్ చెప్పేశాడు.

నిజానికి ఇది నిర్వాణకు మూడో పుట్టిన రోజు. తను షేర్ చేయదలచుకుంటే లేటెస్ట్ ఫోటోలనే చేయచ్చు. కానీ పుట్టినప్పటి ఫోటోను షేర్ చేయడం చూస్తే.. జనాల మైండ్ కాసింత డైవర్ట్ చేయడానికే.. ఇలా మళ్లీ కొత్తగా ఇంకోటేదో ట్రై చేశాడనే కామెంట్స్ సోషల్ మీడియాలో తెగ వచ్చేస్తున్నాయి.

Like Us on Facebook : https://www.facebook.com/Tupakidotcom/