'మా'కు ప్రెసిడెంట్ గా మనోజ్.. 'ఫసకే'..

ఈ మధ్య మంచు మనోజ్ ఏ కొత్త సినిమాను ఒప్పుకోకుండా కథలు వింటూ కాలక్షేపం చేస్తున్నారు. ట్విట్టర్, ఫేస్ బుక్ లలో యాక్టివ్ గా ఉంటూ అభిమానులకు చేరువవుతున్నాడు. మంచు మనోజ్ కు ఈ మధ్య ‘నెక్ట్స్ మూవీ ఎప్పుడు’ అనే ప్రశ్న తరచూ ఎదురవుతోందట.. కొత్త సినిమాలు అనౌన్స్ చేయకపోవడంతో ఆయన అభిమానులు పదే పదే సినిమా ఎప్పుడంటూ మనోజ్ కు ప్రశ్నల పరంపరను కొనసాగిస్తున్నారు..

మనోజ్ ఖాళీగా ఉంటున్నాడని తెలిసిన ఓ నెటిజన్ సెటైరికల్ గా ఆయనను ఓ ప్రశ్న అడిగాడు.. ‘మా అసోసియేషన్ కు నిన్ను ప్రెసిడెంట్ గా చూడాలని ఉంది బ్రో’ అంటూ ట్వీట్ చేశాడు... దీనికి మనోజ్ కూడా అంతే సెటైరికల్ గా సమాధానమిచ్చాడు.

మనోజ్ ట్వీట్ చేస్తూ ‘మా నిజాయితీతో వ్యవహరిస్తోంది. నేను వెళితే తప్పకుండా అందరికీ ‘ఫసకే’. ‘మా’పై వస్తున్న విమర్శలకు అందరూ కలిసి కట్టుగా నిలబడి ఎదుర్కొంటున్నారు. వాళ్లేమీ చికెన్స్ కాదు.. దూరంగా పారిపోవడానికి.. ఎవరైనా వచ్చి చెక్ చేయడానికి తలుపులు అన్నీ తెరిచి ఉంచారు.. ‘మా’ పై నిందలు తప్పు నిరూపిస్తున్నారు’ అంటూ పేర్కొన్నారు..

తాజాగా ‘మా’లో నిధుల గోల్ మాల్ విషయంలో నరేష్ - శ్రీకాంత్ ల మధ్య గొడవ జరుగుతుండడంతో నెటిజన్ దీనిపై వేసిన ప్రశ్నకు మనోజ్ ఇలా స్పందించాడు. మా నిజాయితీతో నడుస్తోందని కితాబిచ్చాడు.