స్టార్ డంని పట్టించుకోని హీరో

మంచు మనోజ్ కి గత కొంతకాలంగా సరైన హిట్ అనేదే లేదు. ఎన్నో ఆశలు పెట్టుకుని తెరకెక్కించిన శౌర్య కూడా క్లిక్ కాలేదు. ఈ మూవీ కోసం అంతకు ముందే తెరకెక్కించిన ఎటాక్ చిత్రాన్ని కూడా రిలీజ్ అపేశాడు మనోజ్. రామ్ గోపాల్ వర్మ దర్శకత్వంలో తీసిన ఎటాక్ ఇవాళే ప్రేక్షకుల ముందుకు వచ్చింది.

థ్రిల్లర్ గా తెరకెక్కిన శౌర్య హిట్ అయితే.. ఆ ఎఫెక్ట్ తో ఎటాక్ కు మంచి బూమ్ వస్తుందని ఆశించినట్లు గతంలో చెప్పాడు మనోజ్. కానీ ఇప్పుడు అది ఫ్లాప్ గా నిలిచింది. అయినా సరే ఎటాక్ మూవీపై మంచి కాన్ఫిడెంట్ గానే ఉన్నాడు మంచు హీరో. ఎమోషనల్ క్రైమ్ డ్రామాగా తెరకెక్కిన ఈ మూవీ ప్రేక్షకులను బాగా ఆకట్టుకుంటుందని చెప్పాడు. తను ఓ ఇమేజ్ చట్రంలో ఇరుక్కోకూడదనే.. ఇలాంటి రోల్స్ ఎంచుకుంటున్నట్లు చెప్పాడు మనోజ్.

తన పదకొండేళ్ల హీరో కెరీర్ లో ఏనాడూ స్టార్ ఇమేజ్ కోసం పాకులాడలేదని, కాన్సెప్ట్ పరంగా తనకు నచ్చితే తన పాత్ర గురించి అసలు పట్టించుకోనని అంటున్న మనోజ్.. క్రైమ్ డ్రామా ఎటాక్ మాత్రం అందరినీ ఆకట్టుకుంటుందని చెప్పాడు. మంచు మనోజ్ కి జంటగా సురభి నటించిన ఈ మూవీలో ప్రకాష్ రాజ్ - జగపతి బాబు - వడ్డే నవీన్ లు కీలక పాత్రలు పోషించారు.