ఒక మెగా గాళ్‌ వదిలేస్తే.. ఇంకో గాళ్

మెగా క్యాంపులో చేసిన వెంటనే బీభత్సమైన బ్రేక్ వస్తుందంటూ కొందరు హీరోయిన్లు నమ్ముంతుంటారు. దానికి తగ్గట్లుగానే తమన్నా - కాజల్ - శృతి హాసన్‌ - రకుల్ ప్రీత్ వంటి భామలకు ఈ క్యాంపులో బ్యాక్ టు బ్యాక్ అవకాశాలు దక్కాయి. కాని కొంతమందికి మాత్రం టాలెంటు ఉన్నా కూడా అలాంటి ఛాన్సులేవీ రాలేదు. ఉదాహరణగా రెజీనా అండ్ ప్రగ్యా జైస్వాల్ అని చెప్పుకోవచ్చు.

అయితే మొన్ననే మంచు మనోజ్ సరసన ఓ సినిమా చేయడానికి ఒప్పుకున్న మెగా గాళ్ ప్రగ్యా.. ఆ తరువాత ఎందుకో సినిమా నుండి వైదొలిగింది. కంచె సినిమాతో ఫేం లోకి వచ్చినీ బ్యూటి.. అవార్డుల ఫంక్షన్ లో డ్యాన్సులు చేయడం తప్పిస్తే.. సినిమాలు మాత్రం సైన్ చేసిందే లేదు. ప్రస్తుతం వైజాగ్ లో షూటింగ్ జరుపుకుంటున్న ఈ సినిమాలో హీరయిన్ గా ఎవర్ని తీసుకుందాం అని ఆలోచించి.. చివరకు అవకాశాలు పెద్దగా దక్కించుకోలేకపోతున్న మరో మెగా గాళ్‌ రెజీనా కసాండ్రకే ఓటేశారట. గతంలో ఈమె మనోజ్ తో శౌర్య సినిమా చేసిన సంగతి తెలిసిందే.

''ఒక్కడు మిగిలాడు'' అనే పేరుతో తెరకెక్కుతున్న ఈ సినిమాలో.. మనోజ్ తమిళ టైగర్ల దళ నాయకుడిగా ఒక పాత్రనూ.. కాలేజీకి వెళ్లే యువకుడిగా మరో పాత్రలోనూ డబుల్ యాక్షన్ చేస్తున్నాడట. ఆ కాంటెంపరరీ పాత్రకు ఇప్పుడు రెజీనా హీరోయిన్ గా సెలక్ట్ అయ్యింది.