ఒక్కడు మిగిలాడు ఏం చేస్తాడో!!

ఈ మధ్య వస్తున్న మంచు మనోజ్ సినిమాలు అన్నీ బాక్స్ ఆఫీసు వద్ద పెద్దగా ప్రభావం చూపడం లేదనే సంగతి తెలిసిందే. కాని రాబోతున్న సినిమా మాత్రం అందరి అంచనాలుకు మించి ఉండబోతుంది అని ఆ టీమ్ బలంగా నమ్ముతుంది. ‘ఒక్కడు మిగిలాడు’ సినిమాలో తన ఫస్ట్ లుక్ పోస్టర్ కాని ఈ సినిమా కోసం మనోజ్ పడుతున్న కష్టం, తీసుకుంటున్న జాగ్రత్తలు చూస్తుంటే కచ్చితంగా మనోజ్ సినిమాలు అన్నింటి కంటే కూడా విభిన్నంగా ఉండవచ్చు అని అనుకోవచ్చు.

ఈ సినిమాను డైరెక్ట్ చేస్తున్న అజయ్ ఆండ్ర్యూస్ నుత్తకి ఇదే తొలి సినిమా. అజయ్ ఆండ్ర్యూస్ ఈ సినిమా షూటింగ్ గురించి మాట్లాడుతూ “ ఒక్కడు మిగిలాడు సినిమా షూటింగ్ దాదాపుగా పూర్తి అయ్యింది. సముద్రం మధ్యలో కొన్ని కీలక సన్నివేశాలు పూర్తి చేశాము. వలస భాదితులు సముద్రంలో ఎలాంటి కష్టాలు పడ్డారు అనేది చిత్రీకరించాము'' అని చెప్పాడు. దీనికి హీరో మనోజ్ స్పందిస్తూ “అందరికి నమష్కారం - ఒక్కడు మిగిలాడు సీ సీక్వెన్స్ నా పై షూట్ చేసింది కాదు. ఒక 10 మంది సముద్రం మధ్యలో చిక్కుకొని ఉంటే అప్పుడు ఆ శరణార్ధులు పరిస్థితి ఎలా ఉంటుంది అనే డ్రామా ఒక 40 నిముషాలు ఉంటుంది. సినిమాలో అదిరిపోతుంది'' అని చెప్పాడు. నా టీమ్ ఈ షూటింగ్ విజయవంతంగా పూర్తి చేసుకొన్నందుకు నాకు చాలా గర్వంగా ఉంది అని చెబుతున్నాడు.

ఎందుకంటే తెలుగులో ఈ మధ్యకాలం లో నిజజీవిత గాథలను తెర పై చూడటం చాలా అరుదు అనే చెప్పాలి. పైగా ఇలా సముద్రంలో షూటింగ్ శ్రీలంక వలసలు అయితే మన తెలుగులో ఏ సినిమాలు రాలేదు అనే చెప్పాలి. ఛత్రపతిలో కాస్త కమర్షియల్ గా టచ్ చేశాడు రాజమౌళి. ఇక అసలు విషయం ఏంటంటే ఈ సినిమాలో మంచు మనోజ్ ఎల్‌ టి‌టి‌ఈ చీఫ్ ప్రభాకరన్ పాత్రలో కనిపించబోతున్నాడు. ఈ సినిమా కథ కొంచెం వివాదాస్పద కథే అయన మనోజ్ ఆశలు అన్నీ ఈ సినిమా పైనే పెట్టుకున్నాడు అని తెలుస్తుంది. చూద్దాం ఏమవుతుందో.