బస్టాండ్లో మూటలు మోసిన మంచు హీరో

ఆపదల్లో ఉన్న కొందరికైనా సహాయం చేయాలి అనే ఉద్దేశ్యంతో ''మేము సైతం'' అనే టివి షో మొదలుపెట్టింది మంచు లక్ష్మి. ఈ కార్యక్రమంలో సెలబ్రిటీలు కూడా పాల్గొని.. నిజ జీవితంలో హార్డ్ లేబర్‌ ఎలా కష్టపడి పనిచేసి డబ్బులు సంపాదిస్తారో అలాగే వారితో కూడా పనులు చేయించి.. అలా వచ్చిన కష్టార్జితాన్ని కష్టాల్లో ఉన్న పేదలకు సహాయం చేస్తారు. ఇప్పటికే ఈ కార్యక్రమంలో రానా, రకుల్‌, అఖిల్‌, శ్రీయ, తాప్సీ వంటి సెలబ్రిటీలు చాలామంది పాలుపంచుకున్నారు. అందరూ కష్టపడి డబ్బు సంపాదించి.. తరువాత షో లో గెస్టుగా కూర్చుని.. కన్నీళ్ళు పెట్టుకున్నావారే. నిజజీవితపు బాధలు చూసి చలించిపోయినవారే.

మొన్ననే ఈ షోలో పాలుపంచుకోవడానికి మంచు విష్ణు ఏకంగా పానీపూరి అమ్మేశాడు. ఆ తరువాత కష్టాల్లో ఉన్న ఒక జర్నలిస్టుకు ఏకంగా 22 లక్షలు సాయం చేశాడు. ఇప్పుడు మంచు మనోజ్ కూడా అదే పని చేయనున్నాడు. మనోడు ఈరోజు ఉదయం హైదరాబాద్ యం.జి.బి.ఎస్. బస్టాండ్‌ లో పోర్టర్ గా పనిచేశాడు. రెండు గంటలపాటు లైసెన్సు కూలీగా వాన పడుతున్న కూడా కష్టపడ్డాడు. ఇప్పుడు అక్కడ వచ్చిన డబ్బుతో మేము సైతం కార్యక్రమంలో కష్టాల్లో ఉన్నవారికి సాయం చేస్తాడు మనోజ్‌. ఎంతైనా కూడా.. వెండితెర మీద ఏం చేశాం అనేదానికంటే నిజజీవితంలో ఏం చేశాం అనేదే ముఖ్యం. ఆ విషయంలో మంచు ఫ్యామిలీని అభినందించాల్సిందే.