యువ మోహన్ బాబుగా విష్ణు

టాలీవుడ్ లో మంచు వారి ఫ్యామిలీ నుంచి ఏడాదికి ఒక సినిమా అయినా హల్ చల్ చేస్తూ ఉంటోంది. జయాపజయాలతో సంబంధం లేకుండా మంచు హీరోస్ చాలా ప్రయత్నాలు చేస్తున్నారు. అయితే మోహన్ బాబు మాత్రం గత కొంత కాలంగా సినిమాలకు దూరంగా ఉంటోన్న సంగతి తెలిసిందే. అయితే తన నిర్ణయం ప్రకారం మెహన్ బాబు కేవలం బాగా కనెక్ట్ అయ్యే కథలను వస్తేనే చెయ్యాలని డిసైడ్ అయ్యారు.

ఆ ఆలోచనలో ఉన్న ఆయనకు మదన్ చెప్పిన గాయత్రీ స్టోరీ బాగా నచ్చింది. దీంతో ఆలస్యం చేయకుండా సినిమాను మొదలు పెట్టేశారు. ప్రస్తుతం సినిమా షూటింగ్ చివరి దశకు వస్తున్నట్లు తెలుస్తోంది. అయితే రీసెంట్ గా సినిమా గురించి వచ్చిన ఒక కొత్త అప్డేట్ అంచనాలను పెంచేలా కనిపిస్తోంది. అదేమిటంటే మోహన్ బాబు పెద్ద కుమారుడు మంచి విష్ణు గాయత్రీ సినిమాలో స్పెషల్ కీ రోల్ చేయనున్నాడట. అది కూడా తండ్రి పాత్రలో అని తెలుస్తోంది.

మోహన్ బాబు యువకుడిగా ఉన్నప్పటి పాత్రను మంచు విష్ణు చేస్తున్నాడట. ఆ పాత్ర సినిమాకు చాలా అవసరమని మదన్ విష్ణునే సెలెక్ట్ చేశారట. రాజకీయ నేపథ్యంలో వస్తోన్న ఈ సినిమాలో మోహన్ బాబు నటన హైలెట్ కానుందట. ఇక శ్రియ కూడా సినిమాలో ఒక ముఖ్య పాత్ర పోషిస్తోంది. మరి సినిమా ఎంతవరకు ఆకట్టుకుంటుందో చూడాలి.