అదేమి ద‌రిద్ర‌పు అల‌వాటు అంటూ సాటి హీరోని నిల‌దీశాడు!

ఒక హీరో అల‌వాట్ల గురించి ఇంకో హీరో బ‌య‌ట పెట్టేయ‌డం లైవ్ లో కాస్త ఎబ్బెట్టే అయినా ఆ సంద‌ర్భంలో త‌ప్ప‌లేదు. ``ఐదుసార్లు ఫోన్ చేస్తే క‌నీసం ఒక‌సారి అయినా లిఫ్ట్ చేయ‌డు. అలాంటి దరిద్రమైన అలవాట్లు న‌వ‌దీప్ కి ఉన్నాయి`` అంటూ మంచు విష్ణు న‌వ‌దీప్ సీక్రెట్ బ‌య‌ట‌పెట్టారు. అయితే అన్ని ద‌రిద్ర‌పు అల‌వాట్లు ఉన్నా కానీ గొప్ప ప్ర‌తిభ ఉంద‌ని త‌న ట్యాలెంటుకు త‌గ్గ గుర్తింపు ప‌రిశ్ర‌మ‌లో రాలేద‌ని ఆవేద‌న చెందారు విష్ణు.

మంచు విష్ణు హీరోగా నటించి నిర్మించిన `మోసగాళ్లు` ఈనెల 19న విడుద‌ల‌వుతోంది. జెఫ్రీ గీ చిన్‌ దర్శకత్వంలో ఈ చిత్రాన్ని ఏవీఏ ఎంటర్ టైన్ మెంట్- 24 ఫ్రేమ్స్‌ ఫ్యాక్టరీ సంయుక్తంగా నిర్మించాయి. ఈ సినిమాలో కాజ‌ల్ .. న‌వ‌దీప్ కీల‌క పాత్ర‌లు పోషించారు. తాజాగా న‌వ‌దీప్ తో క‌లిసి పాల్గొన్న ఒక ప్ర‌మోష‌న్ కార్య‌క్ర‌మంలో విష్ణు అలా కామెంట్ చేశారు. పొగిడేస్తూనే అత‌డి చెడు అల‌వాట్ల‌ను నిల‌దీశాడు విష్ణు.

``నవ‌‌దీప్ కి గొప్ప ప్ర‌తిభ ఉంది. శ్ర‌ద్ధ పెట్టి న‌టిస్తాడు. కేవ‌లం న‌ట‌న మాత్ర‌మే కాదు.. ర‌చ‌న‌పైనా ప‌ట్టంది. అత‌డితో స్క్రీన్ షేర్ చేసుకోవడం చాలా ఛాలెంజింగ్ అనిపించింది`` అంటూ నవదీప్ పై ప్ర‌శంస‌లు కురిపించారు విష్ణు. ``నాకు ఉన్న దరిద్రమైన అలవాట్లలో విష్ణు ఒక ఉదాహరణ మాత్రమే చెప్పాడు. అలాంటివి చాలా ఉన్నాయి`` అంటూ న‌వ‌దీప్ అస‌లు సంగ‌తి చెప్పాడు.