మా అక్క తల ప్లేట్లో తెస్తే ఊరుకుంటానా??

పద్మావతి మూవీ వివాదం తారా స్థాయికి చేరిపోయింది. వాస్తవానికి మరో రెండు రోజుల్లో విడుదల కావాల్సిన ఈ చిత్రం.. ఎప్పుడు విడుదల అవుతుందో తెలియని పరిస్థితి. పైగా కేంద్రంలో అధికారంలో పార్టీకి సంబంధించిన నేతలే ఈ సినిమాపై అవాకులు చవాకులు పేలుతున్నారు. దీపికా పదుకొనే తలకు ఏకంగా 10 కోట్ల రూపాయల రేటు కూడా కట్టేశారు.

ఈ అంశంపై మంచు విష్ణు నేరుగానే స్పందిస్తున్నాడు. ప్రస్తుతం మంచు విష్ణు ఓటర్ అనే చిత్రంలో నటిస్తుండగా.. తమిళ్ లో కురల్ 388 అనే పేరుపై తెరకెక్కుతోంది. పూర్తి స్థాయి రాజకీయ నేపథ్యంతో ఈ చిత్రం రూపొందుతోంది. ఈ సినిమాలో ప్రస్తుత రాజకీయాలపై నేరుగానే కామెంట్స్.. సీన్స్ ఉంటాయని చెబుతున్నాడు మంచు విష్ణు. సోషల్ మీడియాలోనే ధైర్యంగా నిలదీసే ఈ హీరో.. ఇప్పుడు పద్మావతి చిత్రంపై కూడా రియాక్ట్ అయ్యాడు. దీపికా పదుకొనే తలకు రేటు కట్టడాన్ని ఖండించాడు.

'మా అక్క తలను ప్లేట్లో పెట్టి తీసుకొస్తే ఊరుకుంటానా.. ప్రస్తుతం బీజేపీ చేస్తున్నది కరక్టేనా అనిపిస్తోంది. ఎవరూ వీటిని ఎందుకు ఖండించడం లేదు' అంటున్న మంచు విష్ణు.. మన దేశంలో ఉన్న ప్రజాస్వామ్య వ్యవస్థను నిలదీసేలా తన సినిమా ఉంటుందని చెబుతున్నాడు.