మోసగాళ్లు' పై విష్ణుకు ఉన్న నమ్మకం ఎంత అంటే..!

మంచు విష్ణు.. కాజల్‌ అక్క తమ్ముడి గా సునీల్‌ శెట్టి కీలక పాత్రల్లో తెరకెక్కిని మోసగాళ్లు సినిమా విడుదలకు సిద్దం అయ్యింది. భారీ బడ్జెట్‌ తో రూపొందిన ఈ సినిమా ను ఈ వారంలో విడుదల చేయబోతున్నారు. దాదాపుగా రూ.50 కోట్ల బడ్జెట్‌ తో ఈ సినిమాను రూపొందించినట్లుగా చెబుతున్నారు. ఒక రియల్ స్కామ్‌ ఆధారంగా రూపొందిన ఈ సినిమా ప్రీ రిలీజ్ ఈవెంట్ ను హైదరాబాద్ లో నిర్వహించారు. మోహన్‌ బాబు మరియు రానాలు ముఖ్య అతిథులుగా ఈ వేడుకలో పాల్గొన్నారు. పెద్ద ఎత్తున అంచనాలున్న ఈ సినిమా వేడుకలో మంచు విష్ణు మాట్లాడుతూ సినిమా పై తనకు ఉన్న నమ్మకంను అందరికి తెలియజేశాడు.

ఆయన మాట్లాడుతూ.. సునీల్ శెట్టి గారితో వర్క్‌ చేసిన ప్రతి ఒక్క మూమెంట్ జీవితాంతం గుర్తుండి పోతుంది. ఇక ఈ సినిమా కథ పంపించినప్పుడు కాజల్‌ తప్పకుండా చేస్తానన్నారు. అయితే అర్జున్‌ పాత్ర ఎవరు చేస్తారు అన్నప్పుడు నేనే అన్నాను. బాగానే ఉంటుందా అని ప్రశ్నించింది. ఆ తర్వాత ఆమె తన పాత్రకు పూర్తి న్యాయం చేశారు. ఈ సినిమా తప్పకుండా విజయంను సాధిస్తుందనే నమ్మకంను ఆయన వ్యక్తం చేశాడు. తప్పకుండా సక్సెస్‌ మీట్ ను ఇంతకు మించి భారీగా ప్లాన్‌ చేద్దాం. అప్పుడు మళ్లీ మాట్లాడుతాను అంటూ సినిమా పై ఉన్న నమ్మకంను చెప్పకనే చెప్పాడు.

ఇటీవల కాలంలో వస్తున్న సినిమాలు అన్ని కూడా వరుసగా బాక్సాఫీస్ వద్ద మంచి ఫలితాలను రాబడుతున్నాయి. ఇలాంటి సమయంలో పాన్ ఇండియా రేంజ్ లో విడుదల కాబోతున్న సినిమా అవ్వడంతో మోసగాళ్లు సినిమా కూడా తప్పకుండా ఆకట్టుకుంటుందనే నమ్మకంను ఒక వర్గం ప్రేక్షకులు వ్యక్తం చేస్తున్నారు. మరి ఫలితం ఏంటీ అనేది మరి రెండు రోజుల్లో క్లారిటీ వచ్చేయనుంది.