సాహో: లేడీ విలన్ పోస్టర్ అదిరిందిగా!

'సాహో' చిత్రంలో నటించిన కీలక పాత్రధారులను ఒక్కొకరిని పరిచయం చేస్తూ క్యారెక్టర్ ఫస్ట్ లుక్ పోస్టర్లను గత కొన్నిరోజులుగా సాహో టీమ్ రిలీజ్ చేస్తున్న సంగతి తెలిసిందే. ఈ సీరీస్ లో భాగంగా తాజాగా మరో కీలక పాత్ర పోషిస్తున్న మందిరా బేడి ఫస్ట్ లుక్ ను విడుదల చేశారు. ఈ సినిమాలో మెయిన్ విలన్ గా నీల్ నితిన్ ముకేష్ నటిస్తున్న సంగతి తెలిసిందే. మందిరా కూడా ఈ చిత్రంలో 'కల్కి' అనే నెగెటివ్ రోల్ పోషించింది.

టీవీ నటిగా.. హోస్టుగా ఎంతో పాపులారిటీ సాధించిన మందిర పలు బాలీవుడ్ చిత్రాల్లో కూడా నటించింది. అందులో నెగెటివ్ రోల్స్ కూడా ఉన్నాయి. 20 ఏళ్ళ నటనానుభం ఉన్న ఈ భామ 'సాహో' లో కొన్ని యాక్షన్ స్టంట్స్ లో కూడా పాల్గొందని సమాచారం. నలభై ఆరేళ్ళ వయసులో ఫిట్ గా స్లిమ్ గా గ్లామర్ మెయిటెయిన్ చెయ్యడమే కాకుండా ఇలా యాక్షన్ సీక్వెన్సులలో పాల్గొనడం గొప్ప విషయమే. ఈ ఫస్ట్ లుక్ పోస్టర్ లో మందిర ట్రెడిషనల్ డ్రెస్ లో ఉంది. ఫుల్ స్లీవ్స్ బ్లౌజ్.. నలుపు రంగు చీర.. షార్ట్ హెయిర్ స్టైల్ లో ఎంతో పవర్ఫుల్ లేడీలాగా కనిపిస్తోంది. ఈ పోస్టర్ కు గుడ్ ఈజ్ బ్యాడ్ అని క్యాప్షన్ కూడా ఇచ్చారు.

'బాహుబలి' ఫ్రాంచైజీ తర్వాత ప్రభాస్ నటిస్తున్న చిత్రం కావడంతో ఈ సినిమాపై ప్రేక్షకుల్లో భారీ అంచనాలు ఉన్నాయి. యాక్షన్ థ్రిల్లర్ గా తెరకెక్కుతున్న ఈ చిత్రాన్ని యూవీ క్రియేషన్స్ వారు భారీ బడ్జెట్ తో నిర్మిస్తున్నారు. ప్రభాస్ కు జోడీగా శ్రద్ధా కపూర్ ఈ సినిమాలో హీరోయిన్ గా నటిస్తోంది. ఈ చిత్రం ఆగష్టు 30 న ప్రేక్షకుల ముందుకు రానుంది.