ప్రభాస్ కి సూట్ అయ్యే లేడీ విలన్

బాహుబలి ప్రాజెక్ట్ కోసం నాలుగేళ్లకు పైగా కేటాయించి కష్టపడి.. అద్భుత విజయాన్ని క్రేజ్ ని సొంతం చేసుకున్నాడు ప్రభాస్. ఈ యంగ్ రెబల్ స్టార్ నటిస్తున్న లేటెస్ట్ మూవీ సాహో. రన్ రాజా రన్ ఫేమ్ సుజిత్ దర్శకత్వంలో రూపొందుతున్న ఈ చిత్రాన్ని నేషనల్ లెవెల్ లో పిక్చరైజ్ చేస్తున్న సంగతి తెలిసిందే.

భారీ యాక్షన్ అడ్వెంచర్ గా సాహో తెరకెక్కనుండగా.. ఈ సినిమాలో నటిస్తున్న నెగిటివ్ పాత్రధారుల లిస్ట్ చూస్తే మైండ్ బ్లాంక్ అవుతుంది. నీల్ నితిన్ ముకేష్ మెయిన్ విలన్ గా యాక్ట్ చేస్తుండగా.. జాకీ ష్రాఫ్.. మహేష్ మంజ్రేకర్.. టిను ఆనంద్.. తమిళ్ యాక్టర్ అరుణ్ విజయ్ లు కూడా నటిస్తున్నారు. దాదాపుగా వీరంతా విలన్ రోల్స్ చేసేవాళ్లే కావడం గమనించాలి. ఇప్పుడు సీనియర్ హాట్ బ్యూటీ మందిరా బేడీని కూడా తీసుకున్నారట. మూవీలో యాక్షన్ ఓరియెంటెడ్ గా సాగే కల్కి అనే పాత్రలో ఈమె కనిపించనుందని తెలుస్తోంది.

యాక్ట్రెస్.. మోడల్.. క్రికెట్ యాంకర్.. ఫ్యాషన్ డిజైనర్.. ప్రెజెంటర్.. ఇలా అనేక రోల్స్ లో మందిరా బేడీని 20 ఏళ్లుగా చూస్తున్న జనాలకు.. ఇప్పుడు తన విలన్ అవతారం చూపించబోతోందట. సాహోలో ప్రభాస్ కి ఆపోజిట్ గా ఈమె చేసే డేర్ డెవిల్ స్టంట్స్ సినిమాకు అట్రాక్షన్ అవుతాయని అంటున్నారు.