నాని బాలయ్య టైటిల్ తోనే..

బాలయ్యను ఫుల్లుగా వాడేసుకుందామనే ఫిక్సయినట్లున్నాడు నాని. ఇప్పటికే చేతి మీద ‘జై బాలయ్య’ టైటిల్ తో కనిపించి షాకిచ్చాడు. సినిమా టైటిల్ కూడా అదే కావచ్చన్న ప్రచారం కూడా జరుగుతోంది. ఐతే మరీ డైరెక్టుగా ‘జై బాలయ్య’ అని టైటిల్ పెట్టేస్తే ఇబ్బందని భావించి ఆ పేరును పక్కనబెట్టేశారట. ఐతే టైటిల్ కోసం కూడా బాలయ్యను వాడుకునే విషయంలో మాత్రం వెనక్కి తగ్గట్లేదని సమాచారం. హను రాఘవపూడి దర్శకత్వంలో తెరకెక్కుతున్న ఈ సినిమా బాలయ్య క్లాసిక్ మూవీ‘మంగమ్మగారి మనవడు’ టైటిలే వాడేయాలని ఫిక్సయ్యాడట హను రాఘవపూడి.

14 రీల్స్ పతాకంపై తెరకెక్కుతున్న ఈ సినిమాలో నాని.. అనంతపురం నుంచి హైదరాబాద్ వచ్చే బాలయ్య అభిమానిగా నటిస్తున్న సంగతి తెలిసిందే. అనంతపురం జిల్లాలో బాలయ్యకు వీరాభిమానులు పెద్ద సంఖ్యలో ఉన్న నేపథ్యంలో హీరోకు ఆ బ్యాగ్రౌండ్ పెట్టారన్నమాట. నాని.. అనంతపురం స్లాంగ్ లోనే అదరగొట్టబోతున్నట్లు సమాచారం. కథ రీత్యా‘మంగమ్మ గారి మనవడు’ అనే టైటిల్ సినిమాకు కరెక్టుగా సూటవుతుందని భావించి ఈ పేరే పెడుతున్నారట. విశేషం ఏంటంటే నాని ఇంతకుముందు ‘మంగమ్మ గారి మనవడు’ సినిమాలోని సూపర్ హిట్ సాంగ్‘‘దంచవే మేనత్త కూతురా’ రీమేక్స్ పాటకు డ్యాన్స్ చేశాడు. రైడ్ సినిమాలో ఉంటుందా పాట. ఇప్పుడు ఏకంగా ఆ సినిమా టైటిలే తీసుకుంటున్ానడు. మొత్తానికి బాలయ్యను నాని ఓ రేంజిలో వాడేసుకుంటున్నాడన్నమాట.