అన్నీ పెద్ద పేర్లే.. కాని..

రేపు విడుదలవుతున్న సినిమాల్లో.. మణిరత్నం ''చెలియా'' సినిమా రిజల్ట్ ఎలా ఉండబోతోంది అంటూ చాలామంది సినిమా లవర్స్ ఆసక్తిగా చూస్తున్న సంగతి తెలిసిందే. అయితే సామాన్య ఆడియన్స్ లో మాత్రం.. ఈ సినిమాపై అనుకున్నంత బజ్ లేదు. సినిమా ధియేటర్లలోని బుక్కింగ్స్ ను చూస్తుంటే ఈ విషయం మనకు అర్దమవుతోంది.

నిజానికి రేపొచ్చే మిగిలిన సినిమాలన్నీ కూడా చిన్న చిన్న మూవీస్ కావడంతో.. మణిరత్నం వైపే జనాలు మొగ్గుచూపిస్తారనేది వాస్తవం. కాకపోతే.. ఈ సినిమాకు ఏ.ఆర్.రెహ్మాన్ సంగీతం అందించినా.. కార్తి హీరో అయినా.. ఎందుకో రావల్సినంత బజ్ రాలేదు. పైగా తెలుగులో సినిమాకు దిల్ రాజు నిర్మాతగా వ్యవహరిస్తున్నాడు. అయినాసరే ఎందుకో ఈ సినిమాకు కావల్సినంత క్రేజ్ మాత్రం రాలేదనే చెప్పాలి. పాటల్లో కేవలం హంసరో అనే పాట ఒక్కటే హిట్టవ్వడం.. కార్తి ఈ మధ్య కాలంలో అసలు హిట్లే ఇవ్వకపోవడం.. మణిరత్నం కూడా కొత్త తరాన్ని పెద్దగా ఇంప్రెస్ చేయకపోవడం.. నిజానికి మైనస్ అయ్యాయి.

అయితే 'ఓకె బంగారం' టైములో కూడా సినిమాకు పెద్దగా హైప్ లేదు. కాని రిలీజైన మొదటి ఆట తరువాతే సినిమాకు క్రేజ్ వచ్చేయడంతో.. వెంటనే ధియేటర్లు పెరిగాయి.. డబ్బుల రాబడి పెరిగింది. బహుశా ఇప్పుడు 'చెలియా' పరిస్థితి కూడా అలాగే ఉందనే చెప్పాలి.

Like Us on Facebook : https://www.facebook.com/Tupakidotcom/