90రోజుల్లో చుట్టేస్తానంటున్న మణి సార్...

వర్షాలు పడక ఎండకు ఎండి ఎన్నిసార్లు తనని తిప్పలు పెడుతున్నా రైతు మాత్రం పోలాన్నే నమ్ముకుంటాడు. అలానే సినిమాలు తీయకపోయినా, తీసిన సినిమాలు ఫ్లాపులుగా నిలిచినా ప్రేక్షకులు మాత్రం తాము అభిమానించేవారిని అంత త్వరగా మర్చిపోరు. అలాంటి దర్శకులలో మణిరత్నం పేరు తప్పక వినిపిస్తుంది.

రోజా, బొంబాయి, సఖి, దళపతి వంటి ఆల్ టైం ఫేవరేట్ హిట్లను మనకు అందించి కేవలం తన డైరక్షన్ లో ఒక్క సినిమాలో నటిస్తే చాలు అని అగ్రతారలు సైతం అనుకునేస్థాయికి ఎదిగాడు మనరత్నం.. అయితే ఈ మధ్య వరుసపెట్టి ఫ్లాపులు తరువాత వచ్చిన ఒకే బంగారం సినిమాతో మళ్లీ తిరిగి ట్రాక్ లో పడ్డాడు.

అయితే తన తదుపరి సినిమా వివరాలు ప్రకటించిన మణి ఈ చిత్రాన్ని 90రోజుల్లోనే చిత్రీకరిస్తానని వెల్లడించాడు. మిస్టర్ పెర్ఫెక్షనిస్ట్ గా పేరుగాంచిన ఒక దర్శకుడు ఈ విధమైన ప్రకటనలు ఇవ్వడం అరుదు. రావన్/విలన్ చిత్రీకరణ సమయంలో అత్యంత కష్టమైన సన్నివేశాలను సైతం నచ్చక రీ షూట్ చేయించాడు మణి. మరో 90రోజుల్లో సినిమా అంటే కాస్త ఆలోచించాల్సిందే. మణి కూడా రామూ బాటలో వేగంగా సినిమాలు తీసేందుకు నిర్ణయించుకున్నాడా? అన్నట్టు ఈ సినిమాలో దుల్కర్ సల్మాన్, కార్తి, మలయాళ భామ కీర్తి సురేష్ నటిస్తున్నారు.