సిస్టర్ డైరెక్షన్ లో సూపర్ స్టార్ చేస్తాడా?

టాలీవుడ్ లో స్టార్ హీరోల ఫ్యామిలీ కి సంబంధించిన వారు నటీ నటులుగా మంచి గుర్తింపు తెచ్చుకుంటున్నారు. కానీ ఎక్కువగా టెక్నీషియన్స్ గా మాత్రం ప్రయత్నాలు చేయడం లేదు. కొందరు మాత్రం వెండి తెర వెనుక వారసత్వ ప్రతిభను చూపిస్తున్నారు. అసలు మ్యాటర్ లోకి వస్తే మనసుకు నచ్చింది అనే సినిమాను తెరకెక్కించిన మహేష్ సిస్టర్ మంజుల మాత్రం దర్శకురాలిగా మంచి గుర్తింపు తెచ్చుకునేల ఉన్నారు. ప్రస్తుతం ప్రమోషన్స్ తో చాలా బిజిగా కనిపిస్తున్న ఈ దర్శకురాలు ఒక్కో ఇంటర్వ్యూలో ఒక్క తరహా విషయాన్ని చెబుతోంది.

మొన్నటి వరకు పవన్ కళ్యణ్ తో ఒక సినిమను చేస్తానని చెప్పి పవర్ స్టార్ ఫ్యాన్స్ ని ఒక్కసారిగా తన వైపు తిప్పుకుంది. అయితే తమ్ముడితో ఎప్పుడు చేస్తారు అనే కామెంట్స్ ఎక్కువగా వినిపిస్తుండడంతో మహేష్ తో కూడా పక్కాగా ఒక సినిమా ఉంటుందని. మనసుకు నచ్చింది చూసిన తరువాత తప్పకుండా మహేష్ ఛాన్స్ ఇస్తాడు అనే నమ్మకంతో ఉన్నారు ఆమె. అయితే ఎలాంటి సినిమా చేస్తారు అనే విషయాన్నీ అడిగితే..కృష్ణ గారి ఓల్డ్ మూవీస్ ఆధారంగా ఒక సినిమా చేయాలని మంజుల అనుకున్నారట. అయితే మహేష్ తన కెరీర్లో రీమేక్ అనే కథలకు ఒకే చేయలేను అని చాలా సార్లు చెప్పాడు.

ఎందుకో గాని ఒకరు చేసిన కథను మళ్లీ అదే తరహాలో తెరకెక్కించడం అంటే కష్టంతో కూడుకున్న పని అని. అది కరెక్ట్ గా రాకపోవచ్చు అని మహేష్ కొన్ని ఇంటర్వ్యూలలో క్లారిటీ ఇచ్చాడు. అయితే ఇప్పుడు ఫైనల్ గా మంజుల మనసుకు నచ్చింది తరువాత ఆమె స్క్రిప్ట్ చెబితే మహేష్ ఒప్పుకుంటాడు అనే నమ్మకంతో ఉన్నారు. మరి ఆ సినిమా ఏ రేంజ్ లో హిట్ అవుతుందో గాని.. మహేష్ సిస్టర్ డైరెక్షన్ లో చేస్తాడా లేదా అనేది చూడాలి