`మ‌న్మ‌ధుడు 2` సెన్సార్ రిపోర్ట్

కింగ్ నాగార్జున‌- ర‌కుల్ ప్రీత్ జంట‌గా న‌టించిన చిత్రం `మ‌న్మ‌ధుడు 2`. రాహుల్ ర‌వీంద్ర‌న్ ద‌ర్శ‌కుడు. నాగార్జున‌- జెమిని కిర‌ణ్ సంయుక్తంగా నిర్మించిన ఈ చిత్రం ఆగ‌స్టు 9 రిలీజ‌వుతోంది. ఇది మ‌న్మ‌ధుడుకి సీక్వెల్ సినిమా కాద‌ని నాగార్జున స్వ‌యంగా వెల్ల‌డించారు. అలాంటి జోన‌ర్ మాత్ర‌మే. రొమాన్స్ .. ఫ‌న్ .. ఎంట‌ర్ టైన్ మెంట్ ప్ర‌ధానంగా సినిమా తెర‌కెక్కింది. ఆయ‌న చెప్పిన‌ట్టే ట్రైల‌ర్ లో ఘాటైన రొమాన్స్ ఫ‌న్ ఆక‌ట్టుకున్నాయి. నాగార్జున న‌ట‌న‌.. ర‌కుల్ అంద‌చందాలు.. సీనియ‌ర్ న‌టి ల‌క్ష్మి .. వెన్నెల కిషోర్ పెర్ఫామెన్సులు ఇవ‌న్నీ సినిమాకి ప్ల‌స్ కానున్నాయి.

తాజాగా సెన్సార్ రిపోర్ట్ అందింది. సెన్సార్ బృందం ఈ చిత్రానికి యుఏ స‌ర్టిఫికెట్ ని జారీ చేసింది. ఈ సినిమా ఆద్యంతం కామెడీ .. రొమాన్స్ ఉన్నా ఫ్యామిలీ కంటెంట్.. ఎమోష‌న్స్ మైమ‌రిపిస్తాయ‌ని ద‌ర్శ‌కుడు రాహుల్ స‌హా నాగార్జున ఇంట‌ర్వ్యూల్లో వెల్ల‌డించారు. ఇటు తెలుగు రాష్ట్రాలు స‌హా ఓవ‌ర్సీస్ లోనూ సినిమాని పెద్ద స్థాయిలో రిలీజ్ చేసేందుకు స‌న్నాహాలు చేస్తున్నారు.

తొలి వీకెండ్ తో పాటు తొలి వారంలో మూడు నాలుగు సెల‌వులు ఈ సినిమా వ‌సూళ్ల‌కు సాయ‌మ‌వుతాయ‌ని అంచ‌నా వేస్తున్నారు. ఇప్ప‌టికే ఆన్ లైన్ లో `ఏ` సెంట‌ర్స్ లో టిక్కెట్ల అమ్మ‌కం స్టార్ట‌య్యింది. అడ్వాన్స్ బుకింగ్స్ జ‌రుగుతున్నాయి. అయితే మ‌న్మ‌ధుడి ఓపెనింగుల జోరు ఏ స్థాయిలో ఉండ‌బోతోందో వేచి చూడాలి. `చి.ల‌.సౌ` త‌ర్వాత ఏకంగా నాగార్జున లాంటి స్టార్ హీరోని డైరెక్ట్ చేసే అవ‌కాశం ద‌క్కిన రాహుల్ ర‌వీంద్ర‌న్ కి ప్ర‌స్తుతం ఎగ్జ‌యిటింగ్ మూవ్ మెంట్. ఈ ఛాన్స్ ని స‌ద్వినియోగం చేసుకున్నాడా లేదా? అన్న‌ది చూడాల్సిందే.