యాప్ లో ఉచిత సినిమాలు చూపిస్తున్న కుర్ర బ్యూటీ

క‌రోనా లాక్ డౌన్ త‌మ‌ పొట్ట కొట్టింద‌ని వాపోతున్న న‌వ‌త‌రం న‌టీమ‌ణులెంద‌రో. లాక్ డౌన్ లో ఇల్లు కొని అప్పు తీర్చ‌లేక‌ బుక్క‌య్యాన‌ని శ్రుతిహాస‌న్ అంత పెద్ద స్టార్ హీరోయినే వాపోయింది. ఇక నేటిత‌రంలో మ‌న్నారా చోప్రా త‌న కెరీర్ ని పెద్ద‌గా ప్లాన్ చేస్కుంటున్న క్ర‌మంలో క‌రోనా అన్నిటికీ రెయిన్ చెక్ పెట్టేసింద‌ని ప‌లు ప్రాజెక్టులు పెండింగ్ లో ప‌డిపోయాయ‌ని కూడా వాపోయింది.

మొద‌టిసారి లాక్ డౌన్ వ‌ల్ల హైద‌రాబాద్ లో ఓ స్టార్ హోట‌ల్లోనే ఐదారు నెల‌ల పాటు లాక్ అయిపోవాల్సి వ‌చ్చింద‌ని వెల్లడించారు. త‌న శ‌రీరంలోకి క‌రోనా ప్ర‌వేశించి దానంత‌ట అదే వెళ్లిపోయింద‌ని అప్ప‌టికి ఇంకా మందులు కూడా రాలేదని చెప్పి షాకిచ్చింది ఈ బ్యూటీ. ప్ర‌స్తుతం సెకండ్ వేవ్ స‌మ‌యంలో మాత్రం ఎన్నో జాగ్ర‌త్త‌లు తీసుకుని కొన్ని ప్రాజెక్టులు పూర్తి చేస్తోంది.

వ‌రుస‌గా సోష‌ల్ మీడియా ఫోటోషూట్ల‌ను షేర్ చేస్తూ అభిమానుల్ని పెంచుకుంటున్న మ‌న్నారా.. గ‌త కొంతకాలంగా ప్ర‌ముఖ గేమింగ్ యాప్ లు .. ల‌ఘు చిత్రాల యాప్ ల‌కు ప్రచారం చేస్తోంది. తాజాగా లూడో గేమ్ స‌రికొత్త ట్రీట్ తో యాప్ లో అందుబాటులో ఉంద‌ని వెల్ల‌డించిన మ‌న్నారా.. తాను న‌టించిన `హాలే దిల్` అనే షార్ట్ ఫిలిం ఫ‌లానా యాప్ లో ఉంద‌ని ప్ర‌చారం మొద‌లు పెట్టింది. మ‌రోవైపు ఎవ్వ‌ర్ లేటెస్ట్ భంగిమ‌ల‌తో గ్రీన్ టాప్ లో బ్యాక్ లెస్ ఫోజుల‌ను షేర్ చేయ‌గా అవి వైర‌ల్ గా మారాయి.