తొలి సినిమా కోసం ఐదేళ్లు ఎదురు చూసిన మిస్ వ‌ర‌ల్డ్!

2017లో మిస్ వరల్డ్ టైటిల్ గెలుచుకున్న మానుషి చిల్ల‌ర్ ఆ త‌ర్వాత బాలీవుడ్ లో క‌థానాయిక‌గా రాణించాల‌ని అనుకుంది. ఆ దిశ‌గా ప్ర‌య‌త్నాల్ని ముమ్మ‌రం చేసినా ఆల‌స్యంగా అవ‌కాశాలొచ్చాయి. ఇటీవ‌ల క‌రోనా క్రైసిస్ వ‌ల్ల సెట్స్ పై ఉన్న సినిమాలు రిలీజ్ కి రాక‌పోవ‌డం త‌న దుర‌దృష్టం. తాను న‌టించిన తొలి సినిమా పృథ్వీరాజ్ రిలీజ్ కి రావ‌డానికే మూడేళ్లు ప‌డుతోంది. ఇది ఏ ఇత‌ర విశ్వ‌సుంద‌రికి రాని ప‌రిస్థితి. నిజానికి అందాల పోటీల్లో గెలిచిన చాలా మంది భామ‌లు చాలా సులువుగా అవ‌కాశాలు అందుకున్నారు. వేగంగా స్టార్లుగా ఎదిగేశారు. ఐశ్వ‌ర్యారాయ్- సుశ్మిత సేన్- లారా ద‌త్తా లాంటి భామ‌లు టాప్ స్టార్లుగా ఏలారు. కానీ మానుషికి అలాంటి అవ‌కాశం రానే లేదు.

ఆ క్ర‌మంలోనే ఇటీవ‌ల ఈ అమ్మ‌డు కూడా రూట్ మార్చి కాస్త హ‌ద్దు మీరి సోష‌ల్ మీడియాల్లో చెల‌రేగుతోంది. తాజాగా మానుషి కూడా థై-థండ‌ర్ షోస్ తో అద‌ర‌గొడుతోంది. అందాల ఆర‌బోత‌కు ఏమాత్రం వెన‌కాడ‌డం లేదు. తాజాగా ఎద అందాల్ని రివీల్ చేసే కాస్ట్యూమ్ ధరించి పోజులిచ్చింది. మానుషి లుక్ పూర్తిగా మారిపోయింది.

24 ఏళ్ల మానుషి హర్యానాలో జన్మించిన టాప్ మోడల్. మిస్ వ‌ర‌ల్డ్ గా కిరీటం అందుకున్నాక‌ పృథ్వీరాజ్- ది గ్రేట్ ఇండియన్ ఫ్యామిలీ వంటి చిత్రాలతో పాటు అజయ్ దేవగన్ తో ఇంకా టైటిల్ నిర్ణ‌యించ‌ని చిత్రంలోనూ న‌టిస్తోంది. ఇక పెర్ఫామెన్స్ ప‌రంగా మెప్పిస్తే కొన్నాళ్ల పాటు మానుషికి కెరీర్ ప‌రంగా ఏ ఢోఖా ఉండ‌ద‌ని భావించ‌వ‌చ్చు. త‌న తొలి సినిమా కోసం ఆరేళ్లు ఎంతో ఓపిగ్గా వేచి చూసింది. ఇక‌నైనా త‌న ఫేజ్ మారుతుంద‌నే ఆశిద్దాం.