ప్ర‌పంచ సుంద‌రికి ఎందుక‌నో ఏదీ క‌లిసి రాదు

2017 లో ప్ర‌పంచ‌సుంద‌రిగా కిరీటం గెలుచుకుంది మానుషి చిల్ల‌ర్. అప్ప‌టి నుంచి ఈ అమ్మ‌డు బాలీవుడ్ ఎంట్రీ గురించి ఎంతగానో త‌హ‌త‌హ‌లాడింది. కానీ ఇప్ప‌టివ‌ర‌కూ అవ‌కాశం ద‌క్కించుకోవ‌డంలో విఫ‌ల‌మైంది. మిస్ట‌ర్ పెర్ఫెక్ట్ అమీర్ ఖాన్.. కింగ్ ఖాన్ షారూక్.. స‌ల్మాన్.. ర‌ణ‌వీర్ లాంటి హీరోల స‌ర‌స‌న న‌టించాల‌నుంద‌ని బ‌హిరంగంగానే ప్ర‌క‌టించిన మానుషికి అప్ప‌ట్లో య‌శ్ రాజ్ ఫిలింస్ లాంటి ప్ర‌తిష్ఠాత్మ‌క నిర్మాణ సంస్థ‌లో తెర‌కెక్క‌నున్న భారీ హిస్టారిక‌ల్ చిత్రంలో అవ‌కాశం ద‌క్కించుకుంది.

భార‌త‌దేశ రారాజు పృథ్వీరాజ్ చౌహన్ బయోపిక్ లో ఊహించ‌ని విధంగా మానుషికి ఈ ఛాన్స్ ద‌క్కింది. కిలాడీ అక్ష‌య్ కుమార్ ఈ చిత్రంలో టైటిల్ పాత్ర‌ను పోషిస్తున్నారు. రాణి సంయుక్త పాత్రలో మానుషి నటిస్తోంది. హిస్టారికల్ బ్యాక్ డ్రాప్ ఈ సినిమాకి ఎగ్జ‌యిటింగ్ పాయింట్. పింజ‌ర్.. మొహ‌ళ్ల అస్సీ లాంటి భారీ చిత్రాల్ని తెర‌కెక్కించిన‌ చంద్రప్రకాష్ ద్వివేది ఈ సినిమాకి ద‌ర్శ‌క‌త్వం వ‌హిస్తున్నారు. భారీ బడ్జెట్ తో ఆదిత్య చోప్రా ఈ చిత్రాన్ని నిర్మిస్తున్నారు.

దుర‌దృష్ట‌మో ఏమో కానీ ఈ అమ్మ‌డికి ఆఫ‌ర్ ద‌క్కినా ఈలోగానే మ‌హ‌మ్మారీ వ‌ల్ల మూవీ షూటింగ్ వాయిదా ప‌డింది. ఎట్ట‌కేల‌కు కొంత గ్యాప్ త‌ర్వాత‌ షూటింగ్ జ‌రుగుతోంద‌ని తెలుస్తోంది. తాజాగా ఈ చిత్రం గురించి మాట్లాడుతూ “రెండు సంవత్సరాల క్రితం నేను మిస్ వరల్డ్ కిరీటం గెలిచిన అదే రోజున పృథ్వీరాజ్ కోసం నా మొదటి షాట్ చిత్రీక‌రించారు. అదంతా ఒక బ్యూటిఫుల్ ఇన్సిడెంట్. నవంబర్ 18 ఖచ్చితంగా నా జీవితంలో అత్యంత ప్రత్యేకమైన రోజు. నా జీవితంలో రెండు అతిపెద్ద మైలురాళ్ళు ఒకే రోజున సాధ్యమైంది. నాకు చాలా ఆనందంగా ఉంది. నా తొలి చిత్రానికి మొదటి షాట్ లో న‌టించ‌డం ఎగ్జ‌యిట్ చేసింది`` అని తెలిపింది. అలాగే తాను మిస్ యూనివ‌ర్శ్ కోసం పోటీప‌డే రోజుల‌ను త‌లుచుకుని నేటి మాల్దీవుల విహారానికి సంబంధించిన‌ ఫోటోని మానుషి షేర్ చేసింది. బికినీ బీచ్ సెల‌బ్రేష‌న్ లో ఫుల్ గా చిల్ అవుతున్న మానుషి ఫోటో యూత్ లో వైర‌ల్ గా మారింది.