ఘాటు నాట్యం చేస్తున్న కేటు థగ్గు!

ఈ ఏడాది బాలీవుడ్లో విడుదల కానున్న క్రేజీ ప్రాజెక్టులలో 'థగ్స్ ఆఫ్ హిందుస్తాన్' ఒకటి. నవంబర్ 8 న రిలీజ్ కానున్న ఈ సినిమా ప్రమోషన్స్ ఇప్పటికే ఊపందుకున్నాయి. మొదట వరసగా సినిమాలోని పాత్రల ఫస్ట్ లుక్స్ ని రిలీజ్ చేసిన మేకర్స్ ఆతర్వాత ట్రైలర్ రిలీజ్ చేశారు. ఇప్పుడు ఒక్కొక్కటిగా విడియో సాంగ్ టీజర్ ను రిలీజ్ చేస్తున్నారు. కొద్ది రోజుల క్రితం 'సురయ్యా' సాంగ్ ను రిలీజ్ చేశారు. ఈ పాటకు ఇప్పటికే 9.6 మిలియన్ వ్యూస్ వచ్చాయి.

ఇదిలా ఉంటే 'మంజూర్ ఏ ఖుదా' అంటూ సాగే మరో వీడియో సాంగ్ టీజర్ రిలీజ్ నిన్న చేశారు. ఈ పాట కూడా ఇంటర్నెట్ ను ఓ ఊపు ఊపుతోంది.. రెండు రోజులు కూడా కాకమునుపే 1.5 మిలియన్ వ్యూస్ వచ్చాయి. శ్రేయ ఘోషల్.. సునిధి చౌహాన్. సుఖ్విందర్ సింగ్ లు పాడిన ఈ పాటకు అమితాభ్ బట్టాచార్య సాహిత్యం అందించాడు. అజయ్ - అతుల్ జోడీ ఈ సినిమాకు సంగీతం అందించడం జరిగింది.

కాస్త సీరియస్ నోట్ లో సాగే పాట అయినా కత్రీనా రెండు డజన్ల మంది డ్యాన్సర్లతో డ్యాన్స్ సూపర్ గా చేసింది. క్రీమ్ కలర్ డ్రెస్ లో హాటు గెటప్ అదిరిపోయింది. టీజర్ మధ్యలో అమితాబ్.. ఆమీర్ ఖాన్లు కత్తి దూసే సీన్లు కూడా ఉన్నాయి. ఈ సాంగ్ తో మరోసారి కత్రీనా అందరినీ మెస్మరైజ్ చేసింది .. సురయ్యా సాంగ్ ఒక్కటే అనుకుంటే ఈ సాంగ్ లో కూడా హైలైట్ కత్రీనానే. ఎంతైనా హాటు ఘాటు థగ్గు కదా.. అందుకే మాంచి ఇంపార్టెన్స్ ఇచ్చినట్టున్నారు. ఇంకెందుకు ఆలస్యం ఒకసారి చూస్తూ ఇక్ హాథ్ మే చింగారియా.. ఇక్ హాథ్ మే సాజ్ హై... అంటూ మీరు హమ్ చెయ్యండి.. ఏం తప్పులేదు!