ఫోటో స్టోరి: ఆ అందం ఎవరి సొంతం?

కేవలం 36 ఏళ్లకే చనిపోయిన హాలీవుడ్‌ సెన్సేషన్‌ ఈ అందం. మన దేశానికి స్వాతంత్య్రం వచ్చిన వేళల్లో, అమెరికాను తన మత్తులో ముంచేసిన మత్తు ఈ సోయగం. ఆమె హొయలు రసరమ్యం. ఆమె నటన ఒక సుందర కావ్యం. మూడు పెళ్ళిళ్ళు, నాలుగు ఎఫైర్లతో ఆమె జీవితం ఒక దట్టమైన వనం. అంతటి అందాలతో ఇప్పటికీ మతులు చెడగొట్టేసే ఆ భామ పేరు.. మర్లిన్‌ మన్రో.

1926లో జన్మించిన మన్రో ఓ ప్రఖ్యాత హాలీవుడ్‌ నటి. అంతేకాదు ఆమె చనిపోయేనాటికి ఓ అమెరికన్‌ ప్రెసిడెంట్‌తో ఎఫైర్‌ నడుపుతోంది అనేది అతి పెద్ద రూమర్‌. ఇకపోతే 1962లో ఆమె డ్రగ్‌ ఓవర్‌డోస్‌ కారణంగా మరణించింది ప్రపంచానికి తెలిసిన వార్త. అయితే ఈ 36 ఏళ్లలో ఆమె చిందించిన హోయలు, వగలు మామూలువి కావు. నయాగరా, సెవన్‌ ఇయర్‌ ఇట్చ్‌, సమ్‌ లైక్‌ ఇట్‌ హాట్‌, ది మిస్‌ఫిట్స్‌ వంటి సినిమాల్లోని నటనతో అబ్బురపరిచింది. అదిగో అక్కడి ఫోటో చూడండి. ఎప్పుడో 1951లో తీసిన ఈ ఫోటోతో ఇప్పటికీ మన్రో మతి పోగొట్టేస్తోందంటే ఆలోచించుకోండి మరి.. ఒక బ్యూటి పవర్‌ ఏంటో.. చాలా అరుదుగా ఇంతటి బ్యూటీలు ఈ భూమిని తాకుతుంటారు. వారిని చూస్తే అదృష్టం చాలా తక్కువమందికే దక్కుతుంది. ఈ రోజుల్లో అసలు ఇంతటి అందం ఎవరి సొంతం? ప్చ్‌.. ఎవరూ లేరా?