అక్కినేని ఇంట పెళ్లి క‌ళ‌

త్వ‌ర‌లో అక్కినేని ఇంట‌ పెళ్లి బాజా మోగ‌నుందా? అంటే అవుననే స‌మాచారం. పెళ్లి ఎవ‌రికి? అంటే వివ‌రాల్లోకి వెళ్లాల్సిందే. అక్కినేని నాగార్జున బ్ర‌ద‌ర్.. ఏఎన్నార్ పెద్ద కుమారుడు వెంక‌ట్ కుమారుడు ఆదిత్య ఓ ఇంటి వాడు కాబోతున్నాడు. ఇటీవ‌లే చెన్నైలో ఆదిత్య‌-ఐశ్య‌ర్య జంట‌ నిశ్చితార్ధం ఘ‌నంగా జ‌రిగింది. అక్కినేని కుటుంబ స‌భ్యులంతా ఈ వేడుక‌లో పాల్గొన్నారు. దానికి సంబంధించిన ఫోటోల‌ను అఖిల్ ఇన్ స్టాగ్ర‌మ్ లో పోస్ట్ చేసాడు.
‍
అక్కినేని వెంకట్‍‍ .. నాగార్జున‍.. నాగ‌చైత‌న్య.. ‍‍ ‍‍‍‍‍‍‍‍‍‍అఖిల్.. సుశాంత్.. సుమంత్... అమ‌ల‌.. నాగ‌సుశీల‌.. సుప్రియల‌తో పాటు కుటుంబ‌ స‌భ్యులంతా పాల్గొన్నారు. అక్కినేని ఇంటికి కోడ‌లిగా రాబోతున్న వ‌ధువు వివ‌రాలు మాత్రం ఇంకా బ‌య‌ట‌కు రాలేదు. కేవ‌లం త‌న‌ పేరు ఐశ్వ‌ర్య అనే తెలుస్తోంది. ఫ్యామిలీ బ్యాక్ గ్రౌండ్ ఏంటి? ఐశ్య‌ర్య వృత్తి.. చ‌దువు.. స‌్వ‌స్థ‌లం వంటి వివ‌రాలు తెలియాల్సి ఉంది. నిశ్చితార్ధం చెన్నై లో జ‌రిగిన నేప‌థ్యంలో వ‌ధువు కుటుంబ స‌భ్యులు చెన్నైలో స్థిర‌ప‌డిన తెలుగువారైనా అయి ఉండాలి. లేక‌పోతే త‌మిళ‌య‌న్స్ అయినా.. అయ్యి ఉండాలి.

ఏఎన్నార్ వార‌సుల్లో నాగార్జున న‌టుడ‌య్యారు గానీ.. వెంక‌ట్ మాత్రం న‌ట‌న‌ వైపు రాలేదు. తొలి నుంచి పూర్తిగా బిజినెస్ వైపే ఉన్నారు. ఆయ‌న కుమారులు కూడా యాక్టింగ్ వైపు దృష్టి సారించ‌లేదు. తండ్రి దారిలో ఆదిత్య కూడా బిజినెస్ రంగంలో రాణిస్తున్న‌ట్లు తెలుస్తోంది. ప్ర‌స్తుతం అఖిల్ షేర్ చేసిన ఫ్యామిలీ ఫోటో అభిమానుల‌ను ఆక‌ట్టుకుంటోంది.