Begin typing your search above and press return to search.
వెంకీ మొద‌లెట్టాడు
By: Tupaki Desk | 16 Dec 2015 5:10 AM GMT
దాదాపు యేడాది త‌ర్వాత మ‌ళ్లీ కెమెరా ముందుకొచ్చాడు వెంక‌టేష్‌. మారుతి ద‌ర్శ‌క‌త్వంలో తెర‌కెక్క‌నున్న కొత్త సినిమా బుధ‌వారం హైద‌రాబాద్‌ లో ప్రారంభ‌మైంది. ముందునుంచీ అనుకుంటున్న‌ట్టుగానే ఈ సినిమాలో వెంకీ స‌ర‌స‌న న‌య‌న‌తార క‌థానాయిక‌గా న‌టిస్తోంది. సితార ఎంట‌ర్‌ టైన్‌ మెంట్స్ ప‌తాకంపై సూర్య‌దేవ‌ర నాగ‌వంశీ నిర్మిస్తున్న ఈ సినిమా రెగ్యుల‌ర్ షూటింగ్ రేప‌ట్నుంచే మొద‌ల‌వుతుంది. ఫిల్మ్‌ న‌గ‌ర్ దైవ స‌న్నిధానంలో ఈ రోజు జ‌రిగిన ముహూర్తానికి అల్లు అరవింద్ - వి.వి.వినాయక్ - డి.సురేష్‌ బాబు త‌దిత‌రులు ముఖ్య అతిథులుగా హాజ‌ర‌య్యారు. తొలి స‌న్నివేశానికి అల్లు అరవింద్ క్లాప్‌ నివ్వ‌గా డి.సురేష్‌ బాబు కెమెరా స్విచ్చాన్ చేశారు. వి.వి.వినాయక్ గౌర‌వ ద‌ర్శ‌క‌త్వం వ‌హించారు.
గోపాల గోపాల త‌ర్వాత వెంకీ మ‌రో సినిమా చేసింది లేదు. ఆ చిత్రం గ‌తేడాది సంక్రాంతికి ప్రేక్ష‌కుల ముందుకొచ్చింది. ఆ త‌ర్వాత వెంకీ క‌థ‌ల వేట‌లో ఉండ‌గానే తండ్రి రామానాయుడు మ‌ర‌ణించారు. దీంతో కొంత‌కాలం పాటు కుటుంబానికే స‌మ‌యం కేటాయించాడు వెంకీ. గ‌త ఆర్నెళ్లుగా ప‌లువురు ర‌చ‌యిత‌లు చెప్పిన క‌థ‌లు వింటూ వ‌చ్చారు. ఇటీవ‌ల మారుతి చెప్పిన క‌థ న‌చ్చ‌డంతో గ్రీన్‌ సిగ్న‌ల్ ఇచ్చేశాడు. ఈ చిత్రానికి బాబు బంగారం అనే పేరును ప‌రిశీలిస్తున్న‌ట్టు తెలుస్తోంది. నిజానికి మారుతి - వెంకీ క‌ల‌యిక‌లో ఇదివ‌ర‌కే సినిమా రావ‌ల్సింది. రాధ పేరుతో ఆ చిత్రం సెట్స్‌ పైకి వెళ్లిన‌ట్టే వెళ్లి ఆగిపోయింది. ఇప్పుడు వేరే క‌థ‌తో ఎట్ట‌కేల‌కు ఇద్ద‌రూ క‌లిసి సినిమా చేస్తున్నారు.
గోపాల గోపాల త‌ర్వాత వెంకీ మ‌రో సినిమా చేసింది లేదు. ఆ చిత్రం గ‌తేడాది సంక్రాంతికి ప్రేక్ష‌కుల ముందుకొచ్చింది. ఆ త‌ర్వాత వెంకీ క‌థ‌ల వేట‌లో ఉండ‌గానే తండ్రి రామానాయుడు మ‌ర‌ణించారు. దీంతో కొంత‌కాలం పాటు కుటుంబానికే స‌మ‌యం కేటాయించాడు వెంకీ. గ‌త ఆర్నెళ్లుగా ప‌లువురు ర‌చ‌యిత‌లు చెప్పిన క‌థ‌లు వింటూ వ‌చ్చారు. ఇటీవ‌ల మారుతి చెప్పిన క‌థ న‌చ్చ‌డంతో గ్రీన్‌ సిగ్న‌ల్ ఇచ్చేశాడు. ఈ చిత్రానికి బాబు బంగారం అనే పేరును ప‌రిశీలిస్తున్న‌ట్టు తెలుస్తోంది. నిజానికి మారుతి - వెంకీ క‌ల‌యిక‌లో ఇదివ‌ర‌కే సినిమా రావ‌ల్సింది. రాధ పేరుతో ఆ చిత్రం సెట్స్‌ పైకి వెళ్లిన‌ట్టే వెళ్లి ఆగిపోయింది. ఇప్పుడు వేరే క‌థ‌తో ఎట్ట‌కేల‌కు ఇద్ద‌రూ క‌లిసి సినిమా చేస్తున్నారు.
