డబ్బులొస్తే సినిమా హిట్టే -మారుతి

విక్టరీ వెంకటేష్ హీరోగా మారుతి దర్శకత్వంలో బాబు బంగారం తెరకెక్కింది. తొలి రోజునే మిక్సెడ్ టాక్ వచ్చినా.. ఈ బంగారం బాక్సాఫీస్ దగ్గర బాగానే డబ్బులు వసూలు చేస్తోంది. వీకెండ్ ముగిసేటప్పటికే 15 కోట్లు వసూలు చేసేయడంతో.. ఇప్పుడు సక్సెస్ మీట్ నిర్వహించింది సినిమా యూనిట్. దీనికి హీరో వెంకీ.. దర్శకుడు మారుతితో పాటు పలువురు టెక్నీషియన్స్ హాజరయ్యారు.

'మొదట ఈ సినిమాకి మారుతి ఇంత కమర్షియల్ గా తీశాడే అనే కామెంట్స్ వినిపించాయి. కానీ బాబు బంగారం ఫ్యాన్స్-లేడీస్ మాస్ కి బాగా రీచ్ అయింది. ఫస్ట్ వీక్ కలెక్షన్స్ చూసి డిస్ట్రిబ్యూటర్స్ ఫుల్ హ్యాపీగా ఉన్నారు. ఇప్పుడు ఏ సినిమాకైనా వసూళ్లే ముఖ్యం. డబ్బులు రావడం అంటే సినిమా సక్సెస్ సాధించినట్లే. నేను ఇలాంటి కమర్షియల్ మూవీ చేసే ఛాన్స్ ఇచ్చిన వెంకటేష్ కి థ్యాంక్స్. ఇక ఈ మూవీలో ముఖ్యంగా ఫైటింగ్స్ గురించి చెప్పుకోవాలి. నా సినిమాలో ఇలాంటి ఫైట్స్ ఉన్నాయా అనిపించేలా పైట్స్ తీశారు రామ్ లక్ష్మణ్' అని చెప్పాడు మారుతి.

థియేటర్లో మూవీ చూస్తుంటే.. ప్రతీ ఒక్కరి కష్టం కనిపిస్తోందన్న మారుతి.. ఫ్యామిలీస్ నుంచి ఇంత రెస్పాన్స్ ఎక్స్ పెక్ట్ చేయలేదని అంటున్నాడు. టాక్ ఎలాగున్నా.. తన సినిమాకి డబ్బులొచ్చాయ్ కాబట్టి.. బాబు బంగారం హిట్టే అన్నది మారుతి వాదన.