మారుతి.. ఎవరితో చేస్తున్నావ్??

భ‌లే భ‌లే మ‌గాడివోయ్ విజ‌యంతో మారుతి ఫేట్ మారిపోయింది. బూతు ద‌ర్శ‌కుడు అన్న ట్యాగ్ ఇక అత‌డిని వ‌దిలి వెళ్లిపోయిన‌ట్టే. ఓ చ‌క్క‌ని సెన్సిబుల్ కామెడీ ఎంట‌ర్‌ టైన‌ర్‌ ని క్లీన్ నేరేష‌న్‌ తో అందించి తెలుగువారి అభిమానాన్ని సంపాదించుకున్నాడు. ట్రెండ్‌ లో వెళుతూ ప‌క్కా క్లారిటీతో ఉండే ద‌ర్శ‌కుడు అన్న పేరు తెచ్చుకున్నాడు. నాని లాంటి హీరోని అమెరికాలో టాప్ హీరోని చేసిన ఘ‌న‌త మారుతికే ద‌క్కుతుంది. అయితే నాని త‌ర్వాత అత‌డు ఎంచుకునే హీరో ఎవ‌రు?

మారుతి ఎయిమ్ ఈసారి అక్కినేని హీరో నాగ‌చైత‌న్య‌. అక్కినేని హీరో చైకి ఓ బ్లాక్‌ బ‌స్ట‌ర్ హిట్ ఇవ్వాల‌న్న‌ది అత‌డి ధ్యేయం. మారుతి వినిపించిన లైన్ న‌చ్చి వెంట‌నే సినిమా చేసేద్దామ‌ని చైత‌న్య గ్రీన్‌ సిగ్న‌ల్ ఇచ్చేశాడట. ప్ర‌స్తుతం మారుతి స్ర్కిప్టు వండే ప‌నిలోనే ఉన్నాడు. ప్రీప్రొడ‌క్ష‌న్ స‌హా అన్ని ప‌నులు పూర్తి చేసుకుని ఈ డిసెంబ‌ర్‌ లోనే సెట్స్‌ కెళ్లాల‌న్న‌ది ప్లాన్‌. ఎస్‌.రాధాకృష్ణ ఈ చిత్రాన్ని నిర్మిస్తున్నారు. ప్ర‌స్తుతం చైతూ గౌత‌మ్‌ మీన‌న్ ద‌ర్శ‌క‌త్వంలో ఓ ల‌వ్ యాక్ష‌న్ ఎంట‌ర్‌ టైన‌ర్‌ లో న‌టిస్తున్న సంగ‌తి తెలిసిందే. సాహ‌సం శ్వాస‌గా సాగిపో.. త్వ‌ర‌లోనే రిలీజ్‌ కి రానుంది. అయితే నవంబర్‌ నుండి ''ప్రేమమ్‌'' రీమేక్‌ షూటింగ్‌ కు వెళుతున్నాడు. అంటే ఆ సినిమా మొదలయ్యాక ప్యారలల్‌ గా ఈ సినిమా కూడా చేస్తాడా? సేమ్‌ డ్యాడ్‌ నాగార్జున టైపులో ఒకేసారి రెండు సినిమాల్లోనూ నటించేస్తాడేమో. చూద్దాం.

మరో ప్రక్కన మారుతి గతంలో మరుగునపడిన వెంకటేష్‌ సినిమాను కూడా తిరిగి పట్టాలెక్కిస్తాడని అంటున్నారు. అదెంతవరకు వర్కవుట్‌ అవుతుందో కూడా చూడాలి. అప్పట్లో ''రాధ'' సినిమా అనుకున్నారు కాని.. ఆ కథను వేరే రైటర్‌ నాదే అంటే ఫిర్యాదు చేయడంతో ప్రాజెక్టును ఆపేశారు