అఖిల్.. నాని.. అంటున్న మారుతి

‘కొత్త జంట’ లాంటి యావరేజ్ మూవీ తర్వాత ‘భలే భలే మగాడివోయ్’తో మళ్లీ తనేంటో రుజువు చేసుకున్నాడు మారుతి. ఐతే దీని తర్వాత భారీ అంచనాల మధ్య విడుదలైన ‘బాబు బంగారం’ నిరాశ పరిచింది. కలెక్షన్ల పరంగా పర్వాలేదనిపించినా.. సినిమా మాత్రం అనుకున్న స్థాయిలో లేదన్నది వాస్తవం.

‘బాబు బంగారం’ తర్వాత వరుసగా స్టార్లతో చేస్తాడనుకుంటే.. ఆశ్చర్యకరంగా ‘జీనియస్’ ఫేమ్ హవీష్ హీరోగా మారుతి సినిమా చేస్తాడని వార్తలు వస్తున్నాయి. మధ్యలో అఖిల్-మారుతి కాంబినేసన్ గురించి చర్చ జరిగింది కానీ.. అది కార్యరూపం దాల్చలేదు. ‘మజ్ను’ ఆడియో వేడుకలో మాట్లాడుతూ ‘భలే భలే మగాడివోయ్’ సీక్వెల్ ప్రస్తావన తెచ్చాడు మారుతి. దీంతో మారుతి ఫ్యూచర్ ప్రాజెక్టులపై గందరగోళం నెలకొంది. ఈ నేపథ్య తాను చేయబోయే తర్వాతి సినిమాల గురించి మారుతే స్వయంగా క్లారిటీ ఇచ్చాడు.

నవంబర్‌లో ఓ కొత్త హీరోతో లో బడ్జెట్ సినిమా తీస్తున్నానని.. అలాగే వచ్చే ఏడాది మార్చిలో హీరో నాని లేదా అక్కినేని అఖిల్‌ తో ఒక సినిమా మొదలవుతుందని మారుతి చెప్పాడు. ఆ ఇద్దరు హీరోల కోసం కథలు చేస్తున్నట్లు మారుతి వెల్లడించాడు. మరి నవంబర్లో ఓ కొత్త హీరోతో అంటున్నది హవీష్ గురించా.. కాదా అన్నది క్లారిటీ లేదు. ‘బాబు బంగారం’ నిరాశ పరిచిన నేపథ్యంలో మారుతి మళ్లీ తనేంటో ప్రూవ్ చేసుకోవాల్సిన స్థితిలో ఉన్నాడు. అతడి కొత్త సినిమా ఆడితే అఖిల్ నుంచి పిలుపు రావచ్చేమో.

Like Us on Facebook : https://www.facebook.com/Tupakidotcom/