పోస్టర్ టాక్: బ్రాండ్ బాబు వెరైటీగా ఉన్నాడే!

మారుతీ ఒక పక్క దర్శకుడిగా బిజీగా ఉంటూనే మరోవైపు యూత్ ని టార్గెట్ చేస్తూ కొత్త టాలెంట్ ని ప్రోత్సహించే విధంగా నటీనటులు కొత్త దర్శకులతో నిర్మాతగా మారి సినిమాలు తీస్తూనే ఉంటాడు. అందులో భాగంగా వస్తున్నదే బ్రాండ్ బాబు. సుమంత్ శైలేంద్రను హీరోగా పరిచయం చేస్తూ అ!! మూవీతో మంచి పేరు తెచ్చుకున్న ఈషా రెబ్బ హీరోయిన్ గా ప్రభాకర్ దర్శకతంలో రూపొందుతున్న బ్రాండ్ బాబు టైటిల్ లోగో ని విడుదల చేసారు. ట్యాగ్ లైన్ లోనే కథను చూచాయగా చెప్పేసిన టీమ్ బ్రాండ్ బాబు అని ఎందుకు పేరు పెట్టారో మాత్రం ప్రసూతానికి సీక్రెట్ గా ఉంచారు. తన ఇంట్లో పని చేసే వ్యక్తితోనే ప్రేమలో పడే ఒక డబ్బున్న యువకుడి కథగా బ్రాండ్ బాబు ఉండబోతోందని అర్థమవుతోంది. మరి హీరో పాత్ర స్వభావాన్ని సూచించే విధంగా అన్ని బ్రాండ్ ఐటమ్స్ వాడుతారు కాబట్టి బ్రాండ్ బాబు అని పెట్టారా లేక వేరే కారణం ఉందా అనేది టీజర్ వచ్చాక ఒక క్లారిటీ వస్తుంది.

ఇది మారుతీ రచనలో వస్తున్న సినిమా. శైలేంద్ర ప్రొడక్షన్స్ బ్యానర్ పై నిర్మించిన ఈ మూవీకి జీవన్ బాబు సంగీతం అందించాడు. బాగా డబ్బున్న వాడికి అందమైన పనిమనిషికి మధ్య ప్రేమ కథ అనే పాయింట్ లోనే చాలా వెరైటీ ఉంది. ఇలాంటి లైన్ అస్సలు రాలేదు అని చెప్పలేం కానీ లీడ్ పెయిర్ మధ్య ఇలాంటి బ్యాక్ డ్రాప్ సెట్ చేసుకోవడం మాత్రం కొత్తే. అందుకే పంచ్ లైన్ మైడిన్ లవ్ స్టోరీ అని పెట్టారు. టైటిల్ ఆసక్తి రేపుతోంది కానీ ఇందులో యాక్టర్స్ ఎవరిని పోస్టర్ లో రివీల్ చేయలేదు. బాబు అనేది మారుతీ సెంటిమెంట్ కాబోలు. ఆ మధ్య వెంకటేష్ తో బాబు బంగారం అనిపించాడు తర్వాత లండన్ బాబులు అని ఒకటి తీసాడు. ఇప్పుడు ఈ బ్రాండ్ బాబు. మరి ఈ బాబైనా సక్సెస్ అందుకుంటాడో లేదో చూడాలి.