అక్కినేని హీరోతో మారుతి కామెడీ

కామెడీ ఎంట‌ర్‌ టైన‌ర్ లు తెర‌కెక్కించ‌డంలో కింగ్ అని నిరూపించుకున్నాడు మారుతి. ప్రేమ‌క‌థా చిత్ర‌మ్‌ - కొత్త జంట‌ - భ‌లే భ‌లే మ‌గాడివోయ్ .. డిఫ‌రెంట్ జోన‌ర్స్‌ లో తెర‌కెక్కిన సినిమాలు ఇవి. ఇవ‌న్నీ కామెడీ ఎంట‌ర్‌ టైన‌ర్ లుగా ఆక‌ట్టుకున్నాయి. లేటెస్ట్ హిట్ భ‌లే భ‌లే మ‌గాడివోయ్ అత‌డి గ‌త ఇమేజ్‌ ని చెరిపేసింది. బూతు సినిమాల డైరెక్ట‌ర్ అన్న నెగెటివ్ థాట్‌ ని ద‌రిదాపుల్లోకి రాకుండా చేసింది ఈ సినిమా. క్లీన్ ఫ్యామిలీ ఎంట‌ర్‌ టైన‌ర్ లు, క‌డుపుబ్బా న‌వ్వించే కామెడీ ఎంట‌ర్‌ టైన‌ర్ లు మారుతి చేయ‌గ‌ల‌డు అన్న భ‌రోసా వ‌చ్చిందిప్పుడు.

బిబిఎం స‌క్సెస్ మారుతి స్టార్‌ డ‌మ్‌ నే పెంచేసింది ఇప్పుడు. అత‌డు వ‌రుస‌గా అప్‌ క‌మింగ్ హీరోల్ని స్టార్ హీరోల్ని చేసే ప‌నిలో ప‌డ్డాడు ఇప్పుడు. ఇంత‌కాలంగా అక్కినేని హీరో నాగ‌చైత‌న్య కెరీర్‌ కి అవ‌స‌ర‌మైన బ్లాక్‌ బ‌స్ట‌ర్ హిట్‌ ని వేరే ఏ ద‌ర్శ‌కుడి వల్ల కాని ప‌నిని త‌న నెత్తిన వేసుకున్నాడు. చైతూకి అర్జెంటుగా ఓ బ్లాక్‌ బ‌స్ట‌ర్ హిట్ కావాలి. అది కూడా కామెడీ ఎంట‌ర్‌ టైన‌ర్ కావాలి. అందుకే మారుతి ఓ లైన్ రెడీ చేసి చైత‌న్య‌ని క‌లిశాడు. అది అక్కినేని హీరోకి బాగా న‌చ్చేసింది. సినిమా చేసేద్దాం. స్ర్కిప్టు పూర్తిగా రెడీ చెయ్ అని అన్నాడు. ప్ర‌స్తుతం మారుతి ఈ స్ర్కిప్టు ప‌నిలోనే ఉన్నాడని టాక్‌.

ఈసారి మారుతితో చేసే సినిమా క‌చ్ఛితంగా ఏ మాయ చేశావే - 100 ప‌ర్సంట్ ల‌వ్ చిత్రాల్ని మించి బ్లాక్‌ బ‌స్ట‌ర్ హిట్ కొట్టాల్సిందే. అలాంటి ఓ హిట్టు ప‌డితేనే చైతూ కెరీర్ స్పీడ్ అందుకునేది. గ‌త త‌ప్పుల్ని రిపీట్ చేయ‌కుండా చైతూని స‌రైన దారిలో పెట్టే బాధ్య‌త మారుతికి ఉందిప్పుడు. ఏం చేస్తాడో చూడాలి.