మారుతీ ఆ సినిమా తీస్తాడట

బూతు డైరెక్టర్ ఇమేజ్ నుంచి బయటకొచ్చి, ఫుల్ లెంగ్త్ కామెడీతో మెప్పించగలడనే గుర్తింపు సంపాదించుకున్నాడు దర్శకుడు మారుతీ. ఇప్పటి వరకూ వరుసగా 5 సూపర్ హిట్లు - బ్లాక్ బస్టర్లు సాధించిన మారుతీ.. ఇప్పుడు మొదటిసారిగా స్టార్ హీరోతో సినిమా చేస్తున్నాడు. వెంకీతో బాబు బంగారం తర్వాత మారుతీ రేంజ్ మరింతగా పెరుగుతుందనే అంచనాలు ఉన్నాయి.

రీసెంట్ గా ఈ డైరెక్టర్ తన ఫ్యూచర్ ప్లాన్స్ గురించి చెప్పుకొచ్చాడు. తన కొత్త ప్రాజెక్టుల విషయంలో చాలా ప్లానింగ్ గా ఉండే మారుతీ.. టాలీవుడ్ లో ప్రతీ హీరోకి సరిపడే కథ తన దగ్గరుందని గతంలోనే చెప్పాడు. ఇప్పుడు ఓ యానిమేషన్ తీసేందుకు ప్లాన్ చేసుకుంటున్నట్లు చెప్పాడీయన. ప్రస్తుతం దీనికి సంబంధించిన వర్క్స్ స్టార్ట్ చేశామని.. అన్ని సెట్ అయిన తర్వాత అనౌన్స్ చేస్తానన్నాడు మారుతీ. ఇలా యానిమేషన్ సినిమాపై మారుతీకి మక్కువ ఉండడానికి.. సహజంగానే ఈయన యానిమేటర్ కం ఆర్టిస్ట్ కావడమే కారణం. ఆ రంగాల్లో నైపుణ్యం సాధించాకే సినిమా రంగలోకి మారుతీ ప్రవేశించాడు.

ఇలా వరుస సక్సెస్ లు సాధించడానికి.. ఈ కాలం యువత ఆలోచనలను అందిపుచ్చుకోవడమే కారణంగా భావిస్తానంటున్నాడు మారుతీ. సినిమాలకు మహరాజ ప్రేక్షకులైన యూత్ ని ఆకట్టుకోవడం చాలా ముఖ్యమన్నది మారుతీ చెబుతున్న మాట.